రంగు తక్కువైతే ఇలా మెరిసిపోండి

డస్కి స్కిన్తో అందమైన లుక్ పొందడానికి ఈ టిప్స్ తప్పకుండా ప్రయత్నించండి.

డస్కి స్కిన్తో అందమైన లుక్ పొందడానికి ఈ టిప్స్ తప్పకుండా ప్రయత్నించండి.

తెలుపు రంగును మహిళ అందానికి కొలమానంగా భావించినప్పటికీ ఇది వ్యక్తిత్వానికి సంబంధించిన ఒక అంశం మాత్రమే. నేటికాలంలో రంగు కంటే ఎక్కువగా ఫ్యాషన్ సెన్స్, స్మార్ట్నెస్, కాన్ఫిడెన్స్, మేకప్కి ప్రాధాన్యత ఇస్తున్నారు.

మీ స్కిన్ స్కిన్టన్ డస్కీ అయితే మీరు ఇతర లక్షణాలను హైలైట్ చేయండి. మీ చామనఛాయ రంగు విషయంలో ఏర్పడిన నిరాశను వదిలేయండి. మీ వ్యక్తిత్వాన్ని మెరుగుపరచుకోవాలని నిర్ణయించుకోండి.

అలాంటివి కొన్ని :

ధైర్యంగా ఉండండి

 మీ వ్యక్తిత్వంలో బోల్డనెస్, స్మార్ట్నెస్ తీసుకు రండి. ఏ కాంపిటీషన్లో అయినాసరే భాగం పంచు కోవడానికి వెనుకాడకండి. సవాళ్లను స్వీకరించండి. ఒక మూలలో అణిగిమణిగి ఉన్న అమ్మాయిగా ఉండడం కంటే నిరంతరం మీరే ముందుకు నడిపించడానికి సిద్ధంగా ఉండండి.

ఎవరూ మిమ్మల్ని ముందుకు రమ్మని అడగరు. ప్రతి ముఖ్యమైన పనికి ప్రజలు మీవైపు చూసేలా, మీలో మీరు, అలాంటి నైపుణ్యాలను పెంపొందించుకోవాలి.

కళ్లలో కళ్లు పెట్టి మాట్లాడండి

ఎవరితో మాట్లాడినా సరే కళ్లలో కళ్లు పెట్టి మాట్లాడండి. అటు ఇటు చూసి మాట్లాడేవారిని ఎవరూ నమ్మరు. నేల చూపులు చూసేవారు ఎప్పటికీ వెనుకబడిపోతారు. పూర్తి ఆత్మ విశ్వాసంతో చూపులు ముందు ఉంచి మాట్లాడడానికి ప్రయత్నించండి.

ఇతరులతో మిమ్మల్ని పోల్చుకోకండి

ఇతరులతో మిమ్మల్ని పోల్చుకునే అలవాటు మీ ఆత్మవిశ్వాసాన్ని దెబ్బ తీస్తుంది. అవతలి వ్యక్తి మీ కంటే గొప్పవాడు అని కాదు, మీ బలాల గురించి ఆలోచించండి. మిమ్మల్ని మీరు ఎప్పుడూ బలహీనంగా భావించుకోవద్దు.

భయాన్ని జయించడానికి ప్రయత్నించండి

ఏదైనా విషయం మీకు భయం కలిగిస్తే దాని నుంచి పారిపోవడం లేదా దానికి స్వస్తి చెప్పడం కన్నా మళ్లీ మళ్లీ దాన్ని చేసి భయాన్ని తరిమి కొట్టండి. కొంతమందికి స్టేజీ ఎక్కాలంటే భయం.మరికొందరికి ఈత కొట్టడమంటే భయం.ఇంకొందరికి ఎత్తు అంటే భయం.

కొందరికి ఒంటరిగా ప్రయాణం చేయడమంటే భయం. ఇంకొందరికి ప్రజంటేషన్ ఇవ్వడమంటే భయం. మీరు మీ భయాలను జయించాలి. అప్పుడు మీ ఆత్మవిశ్వాసం దృఢంగా తయారవుతుంది. బోల్డ్, కాన్ఫిడెంట్ గా మీరు కనిపిస్తారు.