వినీతా సింగ్

23 ఏళ్ల వయసులో కోటి రూపాయల వార్షిక వేతనం యువతకు స్వప్నంగా ఉంటుంది.

షుగర్ కాస్మెటిక్స్ సీఈఓ & ఫౌండర్

23 ఏళ్ల వయసులో కోటి రూపాయల వార్షిక వేతనం యువతకు స్వప్నంగా ఉంటుంది. కానీ కొందరికి ఇంతకంటే పెద్ద కలలుంటాయి. ఢిల్లీలో పుట్టిన వినీతా సింగ్ స్వయం కృషితో వ్యాపారంలో ప్రత్యేక గుర్తింపు పొందారు. తొలి స్టార్టప్లో సక్సెస్ కానప్పుడు వినీతా ఆత్మవిశ్వాసం కోల్పోలేదు. ఆ తర్వాత షుగర్ కాస్మెటిక్కి పునాది వేసారు.

జీవిత ప్రయాణం

వినీతా 1991లో ఢిల్లీలో పుట్టారు. ఆమె తండ్రి తేజ్సెంగ్ ఎయిమ్స్ సైంటిస్ట్. ఆమె ఢిల్లీ పబ్లిక్ స్కూల్లో చదివారు. గ్రాడ్యుయేషన్ కోసం ఐఐటీ మద్రాస్ వెళ్లారు. ఆ తర్వాత ఐఐఎమ్ అహ్మదాబాద్ నుంచి ఎంబీఏ చేసారు. వినీత భర్త కౌశిక్ ముఖర్జీ. ఇద్దరికీ ఎంబీఏ టైమ్లో పరిచయం ఏర్పడింది. 2011లో పెళ్లి చేసుకున్నారు. స్టార్టప్ తొలి దశను గుర్తు చేసుకుంటూ వినీతా “ఒకసారి ఇన్వెస్టర్ నన్ను కలవటానికే ఇష్టపడలేదు. ఎందుకంటే అతడు పురుషులకే అవకాశమిస్తాడు.ఇవన్నీ గమనించి ఇక నేను కాదు, నా పనితోనే జవాబివ్వాలి అనుకున్నాను” అన్నారు.