పెళ్లికి ముందు గర్భనిరోధక మాత్రలు తీసుకోవచ్చా?

చాలాసార్లు అమ్మాయిలు ప్రెగ్నెన్సీ రాకుండా ఉండడానికి గర్భనిరోధక మాత్రలు వాడుతారు. కానీ సరిగ్గా ఉపయోగించడం వారికి తెలియదు.

- - సీమా ఠాకుర్ •

యుక్త వయసులో  తరచుగా అపోజిట్ సెక్స్ కి ఉన్న వారు ఆకర్షితులవు తుంటారు.శారీరక సంబంధం పెట్టుకోవడానికి ఆసక్తి చూపుతుంటారు. ప్రేమ మత్తులో సెక్స్ చేస్తారు.కానీ తమ అజ్ఞానం కారణంగా వారు ప్రొటెక్షన్ ఉపయోగించరు. ఫలితంగా వివిధ లైంగిక వ్యాధుల బారిన పడతారు.

గణాంకాల ప్రకారం భారతదేశంలో ప్రతి సంవత్సరం 15 నుంచి 19 సంవత్సరాల వయసు ఉన్న 1.6 కోట్లమంది అమ్మాయిలు గర్భం ధరిస్తున్నారు.

ఇంత చిన్న వయసులో గర్భం దాల్చడానికి అతి పెద్ద కారణం టీనేజర్ల మిడిమిడి జ్ఞానం, అర్థం చేసుకోలేని తనం. రక్షణ లేకుండా సెక్స్ చేస్తే సెక్సువల్లీ ట్రాన్సిమిటెడ్ ఇన్ఫెక్షన్స్, సర్వికల్ క్యాన్సర్, హైపర్ టెన్షన్ లాంటి వ్యాధులు ఏర్పడే ప్రమాదం ఉంటుంది. ఇవి అబ్బాయి, అమ్మాయి ఇద్దరిలో రావచ్చు.

యుక్త వయసులో ప్రెగ్నెన్సీ, అసురక్షిత సెక్స్లో కలిగే వ్యాధుల గురించి ఢిల్లీలోని మూలచంద్ హాస్పిటల్ సీనియర్ గైనకాలజిస్ట్ డా.మీతావర్మతో మాట్లాడాం.

యుక్త వయసులో ఉపయోగించే కాంట్రాసెప్టివ్ పిల్స్, వాటితో ఏర్పడే ప్రమాదాల గురించి వారు వివరంగా చెప్పారు.

కాంట్రాసెప్టివ్ పిల్ అంటే ఏమిటి? దీనిని ఎప్పుడు, ఎలా తీసుకోవాలి?

ఇది అత్యవసర గర్భనిరోధకం.దీనిని పోస్ట్ కార్డల్, మార్నింగ్ ఆఫ్టర్ పిల్ అని పిలుస్తారు. ఐ పిల్ ఒక హార్మోన్.సెక్స్ తర్వాత దాదాపు ఒక గంట లోపు దీన్ని తీసుకుంటే మంచి ప్రభావం ఉంటుంది.దీన్ని 72 గంటల్లో 2 సార్లు 24 గంటల తేడాతో తీసుకుంటారు. అమ్మాయిపై అత్యాచారం జరిగినప్పుడు, అవాంఛిత గర్భం వచ్చే ప్రమాదం ఉన్నప్పుడు లేదా కండోమ్ చిరిగి పోయినప్పుడు ఎమర్జెన్సీ కాంట్రాసెప్టివ్ అవసరమౌతుంది.

కొందరు ఉపసంహరణ పద్ధతి ఉపయోగిస్తారు. అండర్ఎజ్ ఇజెక్యులేషన్ జరిగినప్పుడు ఈ పిల్ని వాడుతారు.పీరియడ్లు సక్రమంగా రాకపోతే, మీరు భద్రత గురించి ఆలోచిస్తున్నప్పుడు ఎమర్జెన్సీ కాంట్రాసెప్టివ్ పిల్స్ అవసరపడతాయి.

ఒక అమ్మాయి దీన్ని అలవాటు చేసుకుంటే దుష్ప్రభావం ఎలా ఉంటుంది?