యువ మహిళల్లో పెరుగుతున్న బ్రెస్ట్ క్యాన్సర్

బ్రెస్ట్ క్యాన్సర్ కోరల్లో యువ మహిళలు ఎందుకు చిక్కుకుంటున్నారో తెలుసుకుంటే ఆందోళన కలుగుతుంది.

బ్రెస్ట్ క్యాన్సర్ కోరల్లో యువ మహిళలు ఎందుకు చిక్కుకుంటున్నారో తెలుసుకుంటే ఆందోళన కలుగుతుంది.

నగరానికి చెందిన 27 ఏళ్ల చంద్రిక తన రెండు స్తనాల్లో క్యాన్సర్ ఉందని తెలియగానే తీవ్రమైన షాక్కి గురైంది. ఆమె ఒక పెద్ద కంపెనీలో ఉన్నత హెూదాలో పని చేస్తోంది. మొదట తనకి ఇదేమీ తెలియలేదు. రుతుస్రావం ఆగిపోయిందని ఫ్యామిలీ డాక్టర్ దగ్గరికి వెళ్తే మందులిచ్చారు.దీంతో రుతుచక్రం మామూలైపోయింది. కానీ క్రమంగా ఆమెకు ఆహారపానీయాల్లో ఆసక్తి తగ్గిపోసాగింది.

ఒక రోజు స్నానం చేస్తున్నప్పుడు చంద్రికకు తన కుడి స్తనంపై ఏదో కణుపు ఉన్నట్లు అనిపించింది. వెంటనే డాక్టర్ దగ్గరికి వెళ్లింది.ఆమె మజిల్స్లో గడ్డగా భావించి మందులిచ్చి పంపింది. ఇలా కొన్ని నెలలు గడిచిపోయాయి.

ఏమీ నయం కాకపోవటంతో క్యాన్సర్ పరీక్ష, మోమోగ్రఫీ చేయించారు. ఇందులో స్తనాల క్యాన్సర్ ఉన్నట్లు తేలింది. ఆ తర్వాత చంద్రిక తన తల్లితో ప్రముఖ ఆసుపత్రికి వెళ్లింది. అక్కడ సక్సెస్ఫుల్గా ట్రీట్మెంట్ ఇచ్చారు. ఇప్పుడామె కొత్త జీవితం పొంది హ్యాపీగా ఉన్నారు.

బ్రెస్ట్ క్యాన్సర్ అంటే ఏమిటి?

ఇది కణాలు అపసవ్య రీతిలో పెరిగే విపరీత మైన ప్రక్రియ. ఇలా స్తనాల్లో ఏ భాగంలోనైనా జరగవచ్చు. ఇది చను మొనల్లోకి పాలను తీసుకెళ్లే నాళాలు, పాలని ఉత్పత్తి చేసే చిన్న కణాలు, గ్రంథి రహిత కణజాలాల్లో కూడా ఏర్పడవచ్చు.రొమ్ము క్యాన్సర్ మహిళల్లో ఎక్కువగా విస్తరిస్తోంది.ముఖ్యంగా గ్రామీణ మహిళలతో పోలిస్తే నగరాల్లోనే అధికంగా ఉంది.