రూమ్ షేరింగ్ లాభమా నష్టమా? మాన

అధిక ధరల జమానాలో రూమ్ షేరింగ్ చేసుకోవటం మంచి ఆప్షన్. కానీ ఇది మీకు ఎంత లాభదాయకమో విశ్లేషించు కోవటం చాలా అవసరం...

- - రీతూ వర్మ •

అధిక ధరల జమానాలో రూమ్ షేరింగ్ చేసుకోవటం మంచి ఆప్షన్. కానీ ఇది మీకు ఎంత లాభదాయకమో విశ్లేషించు కోవటం చాలా అవసరం...

స్వా తికి పూణేలో ఉద్యోగం రాగానే చాలా సంతోషించింది. మొదట కొన్ని రోజుల వరకు తన పెద్దమ్మ ఇంట్లో ఉంది. ఆ తర్వాత పెద్దమ్మ సహకారంతో ఒక ఫ్లాట్లోకి షిఫ్ట్ అయ్యింది.

ఆ ఫ్లాట్లో 2 బెడ్రూమ్స్ ఉన్నాయి. స్వాతి రూమ్మేట్ పేరు రమణి. నిదానంగా వారిద్దరి మధ్య స్నేహం ఏర్పడింది. స్వాతికి ఆఫీసు హడావుడి వల్ల వంట చేయటం కష్టమవు తుండటంతో రమణి బాక్సు తయారుచేసి పెట్టేది.

స్వాతి మనసు ఎంతో అమాయకమైనది.రమణి తాను తయారుచేసి పెడుతున్న వంటకి నెలకు రూ.7 వేలు అడగ్గా వెంటనే ఇచ్చేసింది.నిజానికి టిఫిన్ బాక్సుకి నెలకు 5 వేల రూపాయలే ఖర్చు అయ్యేవి. ఇంతేగాక రమణి ఎక్కువగా స్వాతి మొబైల్తోనే ఇంటర్నెట్ వాడుతుండేది.

రమణి డేటింగ్ వెళ్లాలన్నా స్వాతి డ్రెస్సుల్ని ఎంతో అధికారంతో వాడుకునేది. ఒక రోజు మరి విపరీత స్థితికి వెళ్లింది. ఎలాంటి అనుమతి కోరకుండానే రమణి తన బాయ్ ఫ్రెండ్ని ఫ్లాట్కి తెచ్చింది. స్వాతి ఏమిటని నిలదీస్తే చూడు, సిస్టర్ పాత ఫ్యాషన్ ఆపెయ్ అంటూ ఏవో మాటలు అంది. దీంతో స్వాతి ఏమీ మాట్లాడలేకపోయింది.

రమణి విచ్చలవిడి విధానాల ఫలితంగా ఆమె డ్రగ్స్ డీలింగ్ కేసులో పట్టుబడ్డాక, తన ఫ్లాటేమేట్ అయినందుకు స్వాతి కూడా పోలీస్ స్టేషన్ చుట్టూ తిరగాల్సి వచ్చింది. స్వాతి ఈ తరహా అనుభవాలతో అప్పటి నుంచి ఇక ఎవ్వరినీ ఫ్లాట్ షేర్ చేసుకోడానికి రానివ్వలేదు.

అలాగని అందరికీ స్వాతి లాంటి అనుభవాలు ఎదురవుతాయి అనుకోవద్దు. ధనశ్రీ, పూజా 5 ఏళ్లుగా గుర్గాంవ్లో ఫ్లాట్ షేరింగ్లో ఉంటున్నారు. ఇద్దరి మధ్య మంచి అనుబంధం ఏర్పడింది.

అయితే వీరిద్దరి ఆలోచనా విధానం ఒక్కటిగా ఏమీ లేదు. కానీ ఇద్దరూ తొలి రోజు నుంచే నియమనిబంధనాలతో నడుచుకోసాగారు.ఇద్దరిలో ఎవ్వరూ తమ బాయ్ ఫ్రెండ్స్న రాత్రి ఇంటికి తీసుకురారు. క్లీనింగ్ బాధ్యతని షేర్ చేసుకునేవారు. పూజా సొంతంగా వంట చేసుకునేది. ధనశ్రీ బయటి నుంచి కూడా తెప్పించుకుంటుంది. ఇద్దరూ రోజూ పడుకునే ముందు రోజంతటి ఖర్చుల లిస్టు రాసేవారు.మనసులో ఎలాంటి ఒత్తిడి పెట్టుకోరు. వ్యక్తిగత జీవితాల విషయంలో మర్యాదపూర్వకమైన దూరాన్ని కొనసాగించేవారు.