జీవితాలను ముంచేస్తున్న కిట్టీ పార్టీలు

ఈ రోజుల్లో ఒక వర్గపు మహిళల్లో కిట్టీ పార్టీల ట్రెండ్ విపరీతమైపోయింది. కానీ ఈ పార్టీలు ఎంత హాని కలిగిస్తున్నాయో మహిళలు గుర్తించటం లేదు....

- - శైలేంద్ర సింగ్

ఈ రోజుల్లో ఒక వర్గపు మహిళల్లో కిట్టీ పార్టీల ట్రెండ్ విపరీతమైపోయింది. కానీ ఈ పార్టీలు ఎంత హాని కలిగిస్తున్నాయో మహిళలు గుర్తించటం లేదు....

రెస్టారెంటు మొత్తం ఖాళీగా ఉంది. ఒకవైపు కొన్ని టేబుల్ని జోడించి 15 నుంచి 20 మంది కూర్చునేందుకు ఏర్పాట్లు చేసారు. అప్పుడు మధ్యాహ్నం 2 గంటలవుతోంది.

ఒక్కోక్కరుగా మహిళలు అక్కడికి చేరుకుంటున్నారు. క్రమంగా సీట్లన్నీ నిండి పోయాయి. అక్కడ ఉన్న మహిళలంతా 30-35 ఏళ్ల వయసున్న వారే. యవ్వనంలో ఉన్న విద్యావంతులు. అందరూ హౌస్ వైఫ్. వీళ్ల కిట్టీ పార్టీకి థీమ్-స్కూల్ డ్రెస్సు. అందుకే అందరూ తమకు నచ్చినట్లుగా స్కూల్ గర్ల్స్ రూపంలో తయారై వచ్చారు. కొందరు మహిళల ఫిట్నెస్ చూస్తే స్కూల్ కాదు కానీ కాలేజీ గర్ల్ తప్పక కనపడుతున్నారు. అందరూ ఒకరినొకరు పొగుడుకుంటున్నారు.

ఆ తర్వాత ఒకరితో మరొకరు సెల్ఫీలు దిగే తంతు మొదలైంది. ఇక్కడ తతంగం అంతా 'సెల్ఫీ పౌట్' గురించే. ముద్దు కోసం బుగ్గలు ముడిచే ఆకృతిని పౌట్ అంటారు. అందరికంటే మంచి పౌట్ ఎవరిది? అనే పోటీ నెలకొంది. 'సెల్ఫీ పౌట్' క్రేజ్ ఈ రోజుల్లో విపరీతంగా విస్తరిస్తోంది.మొబైల్తో సెల్ఫీ తీస్తున్నప్పుడు మూతిని పౌట్ మారిస్తే స్లిమ్ షేప్ కనిపించి, సెల్ఫీ బ్యూటీ పెరుగుతుందని భావిస్తారు.

న్యాచురల్ పౌట్ చాలా అందంగా ఉంటుంది. పెదాలు అంత ఉబ్బుగా లేని మహిళలు పౌట్ ద్వారా ఆకర్షణీయంగా కనపడాలని ట్రై చేస్తుంటారు.

కొందరికి ఇలా చేయటం సులభమే.ముఖంలో అందం కూడా పెరుగుతుంది.సెల్ఫీ పౌట్ తీసుకొని మీడియాలో, ముఖ్యంగా ఇన్స్టాగ్రామ్, ఫేస్బుక్లో పోస్టులు వదులుతుంటారు.