సౌందర్య సలహాలు

సౌందర్య సలహాలు

చలికాలం మొదలు కాగానే నా పాదాలు పగులుతాయి. రక్తం వస్తుంటుంది. ఏం చేయాలో చెప్పండి?

పాదాల శుభ్రతపై శ్రద్ధ తీసుకోండి. వీటిలో ఏ కాస్త మురికి ఉన్నా ఇన్ఫెక్షన్ ఏర్పడే ప్రమాదం ఉంటుంది. పాదాలను శుభ్రపరిచాక వాటికి మంచి క్రీమ్తో మసాజ్ చేయండి.

చలికాలంలో నూనె లేకపోవడం వల్ల పాదాలు పొడిబారుతాయి. రాత్రి పడుకునే ముందు మీ పాదాలను గోరు వెచ్చని నీటిలో కాసేపు నానబెట్టాక వాటిని ఫ్యూమిస్ స్టోన్తో స్క్రబ్ చేసి ఆరబెట్టండి.

ఒక గిన్నెలో ఆవనూనె తీసుకోండి. దాంట్లో కొన్ని వ్యాక్స్ లేదా కొవ్వొత్తి ముక్కలు వేయండి.కొద్దిసేపు వేడి చేసి బాగా కలపండి. ఈ లిక్విడు పాదాల పగుళ్ల మధ్య నింపండి. తర్వాత కాటన్ సాక్స్ వేసుకుని నిద్ర పోండి.చేస్తే పగుళ్లు పూర్తిగా తొలగిపోతాయి.

నేను కొత్తగా ఉద్యోగంలో చేరాను. మేకప్ వేసుకుని అక్కడికి వెళ్లడం తప్పనిసరి. ప్రతి రోజు మేకప్ చేసుకుంటే నా చర్మం పాడవుతుందని భయపడుతున్నాను. ఏం చేయాలి? 

మేకప్ వల్ల చర్మం ఎక్కువగా డ్రై గా మారుతుంది. కానీ మీరు మేకప్కి ముందు కొన్ని జాగ్రత్తలు తీసుకుంటే, మీ చర్మం ఎన్నటికీ పొడిగా మారదు.