బ్రెస్ట్ క్యాన్సర్ని ధైర్యంగా వదిలించుకుందాం!

భారత్లో 40 ఏళ్లు దాటిన మహిళల్లో  రొమ్ము క్యాన్సర్ ఎక్కువగా వ్యాపిస్తోంది.

ప్రపంచవ్యాప్తంగా ప్రతి ఏటా ఈ కేసులు 2% పెరుగుతున్నాయి.మహిళల క్యాన్సర్లలో మరణానికి కారణమవుతున్న వాటిలో ఇది కీలకంగా ఉంటుంది.

నేడు మన దగ్గర రొమ్ము క్యాన్సర్ల మరణా లను తగ్గించేందుకు మార్గాలున్నాయి. ఈ వ్యాధిని ముందుగానే గుర్తించవచ్చు. హార్మోన్ థెరపీ, ఇమ్యూనో థెరపీ, టార్గెటెడ్ థెరపీ లాంటి కొత్త టెక్నాలజీ ద్వారా గతంలో కంటే మరింత నమ్మకంగా దీనికి చికిత్స చేయవచ్చు.

సెల్ఫ్ ఎగ్జామినేషన్

తొలి దశలోనే క్యాన్సర్ని గుర్తించినట్లయితే చికిత్స చాలా ప్రభావవంతంగా చేయవచ్చు. ఈ దశలో క్యాన్సర్ చాలా చిన్నగా, స్తన భాగానికే పరిమితమై ఉంటుంది. ప్రారంభంలో చిన్న కణుపు లేదా రొమ్ము ఆకృతిలో తేడాతోపాటు మరికొన్ని లక్షణాలు కనిపిస్తాయి. బాధితులు దీన్ని సులువు గానే గుర్తించవచ్చు. సమయానికి అన్ని స్క్రీనింగ్ టెస్టులు చేయించాలి. ఈ పరీక్షల ద్వారా రొమ్ము క్యాన్సర్ దశ ఏమిటో తెలుస్తుంది. సాధారణంగా మొదట్లో ప్రత్యేక లక్షణాలు ఏమీ కనపడకపోవచ్చు.అయినా స్క్రీనింగ్లో ఈ వ్యాధి బయటపడొచ్చు.

పరీక్షల కోసం రెగ్యులర్ డాక్టర్ దగ్గరికి వెళ్తుండాలి. దీంతో స్తనాన్ని సరైన రీతిలో పరీక్షిస్తారు. చిన్న కణుపుని డాక్టర్లు సులువుగా గుర్తించగల్గుతారు. వారు మహిళలకు సెల్ఫ్ ఎగ్జామినేషన్ చేసుకోవటం కూడా నేర్పుతారు. ఇలాగైతే బాధితులు ఇంట్లోనే రోగాన్ని గుర్తించుకోవచ్చు.నిజానికి మమోగ్రఫీ అనేది క్యాన్సర్ పరీక్షకు ముఖ్యమైన ఆధారం. ఇదొక ఎక్స్-రే ఎగ్జామినేషన్. కణుపు కనపడక ముందే స్తనాల్లో అనుమానిత క్యాన్సర్ని, దానికి సంబంధించిన మార్పుల్ని ఇందులో అంచనా వేయగల్గుతారు.