స్వీటీ బూరా

"కష్టపడితేనే ఏదైనా సాధించవచ్చు" స్వీటీ బూరా క్వీన్

- సునీల్ శర్మ

హ ర్యానాలో రైతులతో పాటు అక్క డున్న క్రీడాకారులు మన దేశానికి కీర్తి ప్రతిష్టలు తెచ్చి పెట్టారు.ముఖ్యంగా ఆడ పిల్లలు వారి ఇంటి పరిస్థితులు అనుకూలించ కపోయినా, కష్టాలు పడుతున్నా గొప్పగొప్ప రికార్డులు సృష్టించారు.

అలాంటి వారిలో హర్యానాకు చెందిన అమ్మాయిలలో ఒకరు స్వీటీ బూరా. బాక్సింగ్ నైపుణ్యంతో పెద్ద పెద్ద పోటీలలో పాల్గొని దేశానికి బంగారు పతకాలను తీసుకువచ్చింది. 2023లో ఢిల్లీలో జరిగిన ఐబీఏ ప్రపంచ మహిళల బాక్సింగ్ ఛాంపియన్ షిప్లో బంగారు పతకాన్ని గెలుచుకొని ఆమె అందరి మన్ననలను పొందింది.

శనివారం, మార్చి 25, 2023న స్వీటీ బూరా 75-81 కిలోల బరువులెత్తే విభాగంలో చైనాకు చెందిన వాంగ్ లీనాను 4-1 స్కోరుతో ఓడించి కొత్త రికార్డు సృష్టించింది.

హర్యానా రాష్ట్రంలోని రాయే గ్రామం బూరా స్వస్థలం. ఆమె తండ్రి మహేంద్ర సింగ్ బూరా ఓ సామాన్య రైతు. తల్లి సురేష్కుమారి ఓ సాధారణ గృహిణి. జనవరి 10, 1993న జన్మించిన స్వీటీ బూరా హిసార్ లోని జాట్ కళాశాలలో 12వ తరగతి చదివింది. ఆ తర్వాత ప్రభుత్వ పీజీ కళాశాలలో బీఏ, ఎంపీఈడీ పూర్తి చేసింది.