అస్తవ్యస్తమైన మన జీవితంతో కష్టాలు అందుకేనేమో

విహంగ వీక్షణం

ఆధునిక సైన్యానికి ఒక ప్రత్యేకత ఉందని చెప్పవచ్చు. సైనికులు జీవనం చాలా పద్దతిగా సాగుతుంది.

అస్తవ్యస్తంగా కాకుండా ఓ క్రమ పద్ధతిలో బ్రతకడం వారికి అలవాటై తుంది. ప్రతి సైనికుడికి తాను తర్వాతి గంటలో ఏమేం పనులు చేయాలో, వాటిని చేయడానికి ఎంత సమయం పడుతుంది. దానికి ఎంత శక్తి కావాలో తెలుసుంటుంది.

కానీ మన జీవితాలు అస్తవ్యస్తంగా సాగిపోతున్నాయి. ప్రజల జీవనం అస్తవ్యస్తంగా ఉన్న దేశాల్లో పేదరికం చాలా ఎక్కువగా ఉంది. భారతదేశంలో ఎటు చూసినా ప్రజల జీవన విధానం ఛిన్నాభిన్నంగా ఉంది.రాజధాని ఢిల్లీలోని పాత పార్లమెంటు, కొత్త పార్లమెంటు భవనాలే కాకుండా వాటి చుట్టూ ఉన్న రోడ్ల నుంచి మారుమూల పల్లెల వరకు జన జీవనం అంతా అస్తవ్యస్తమే. ప్రజలు నిత్యం చెల్లా చెదురుగా, గుమిగూడుతూనే ఉంటారు.