చీటికి మాటికి కోపం...అందరికీ దూరం

మీ ముక్కు మీద కోపం

- - రోచిక అరుణ్ శర్మ

మీరు ప్రేమించిన వారిని లేదా భాగస్వామిని ఎంత ప్రభావితంచేస్తుందో మీకు తెలుసుకోవాలని ఉందా....

తన కోపమే తనకు శత్రువు అన్న సుమతీ శతకం పద్యం అందరికీ తెలిసిందే. కోపం వల్ల నష్టమే తప్ప కోపమే లాభం లేదని, ఆ పద్యంలోని నీతి. కొందరికి ముక్కు మీదే కోపముంటుంది. ఊ అన్నా ఆ అన్నా కోపమే. అలాంటి వారితో ఎలాగో అని కొందరు గొణుక్కుంటూ ఉంటారు. అలాంటి ప్రవర్తన ఉన్న వారిని మనం చాలా చోట్ల చూస్తాం.

ఒక్కరే అమ్మాయో, అబ్బాయో ఉంటే వారిని అపురూపంగా తల్లిదండ్రులు పెంచితే వారు అలాగే తయారవుతారు. అయితే కొద్దిగా కోపాన్ని తగ్గించుకోగలిగితే, లేదా కంట్రోల్ చేసుకోగలిగితే దాంపత్య జీవితంలో లేక ప్రేమికుల మధ్య ప్రేమానురాగాలు మరింత పంచుకోవచ్చు.

ఈ రోజుల్లో ఉమ్మడి కుటుంబాలు, బంధుత్వాలు, ప్రేమలు తగ్గిపోతున్నాయి. గతంలో పెద్ద కుటుంబమో లేదా ఉమ్మడి కుటుంబాల అమ్మాయిని కోడలు చేసుకోవాలనుకునే వారు.  ఎందుకంటే పెద్ద కుటుంబాలలో ప్రేమలు, ఆప్యాయతలు ఎక్కువగా ఉంటాయని అనుకునేవారు. అంతేకాదు కష్టసుఖాలలో పాలు పంచుకునే వారు. ఒకరికొకరు తోడుగా, అండగా నిలిచేవారు. అయితే అలాంటి బంధుత్వాలు, సంబంధ బాంధవ్యాలు ఉండటం అంత తేలికైన విషయమేమీ కాదు. అలా ఉండాలంటే కుటుంబ సభ్యులందరూ, ఇతరుల ఇష్టాయిష్టాలను గౌరవించాల్సి ఉంటుంది. అది సామాన్య విషయమేం కాదు. అందుకోసం నిజాయితీ, నిగ్రహం, వివక్ష నిస్వార్థంగా ఉండాలి. అన్నిటికన్నా కలివిడితనం, ఓపిక లాంటి లక్షణాలు చాలా ముఖ్యం.

చాలామందికి చిన్న చిన్న విషయాలకే కోపం వస్తుంది. వారిని బ్రతిమిలాడితే కానీ వారు మళ్లీ శాంతించరు. కానీ అలాంటి వారికి ఎప్పుడు కోపం వస్తుందో, ఎప్పుడు బాగుంటారో ఎవరికీ అంతుబట్టదు. అలాంటి ప్రవర్తన ఉన్న వారితో అయిన వాళ్లు కూడా తప్పదు కాబట్టి సంబంధాలు కొనసాగిస్తారు. కానీ చాలావరకు అలాంటి వారిని ఎవరూ అంతగా ఇష్టపడరు.

మీ ప్రవర్తనను మీరే చెక్ చేసుకోండి

చీటికి మాటికి కోపం వచ్చే వారిని ముక్కు మీదే కోపం ఉంటుందని అంటారు. కానీ అలాంటి వారి వల్ల బేధాభిప్రాయాలు తొందరగా వస్తాయని చెప్పవచ్చు. ఉదాహరణకు అమృత పెళ్లి ఢిల్లీలోని ఓ సీ.ఏ. విపన్తో నిశ్చయమైంది.