మహిళా సేవారత్నం

డాక్టర్ శ్రీమతి వాసిరెడ్డి కాశీరత్నం

- - ఎం. సంపత్ బాలకృష్ణ

2005 ఆగస్టు - డెట్రాయిట్లో జరిగిన తానా సభలో మొదటిసారిగా మహిళా విజయం మాస పత్రికను డాక్టర్ శ్రీమతి వాసిరెడ్డి కాశీరత్నం వెలు వరించారు. అప్పటి నుంచి క్రమం తప్పకుండా నిత్యకృత్యంగా ఈ రోజు వరకూ 19 సంవత్స రాలుగా మహిళా స్వాతంత్య్రం, సమానత్వం, సాధికారత కొరకు మహిళా పత్రికను కొన సాగిస్తు న్నారు. 92 సంవత్సరాల వయసులోనూ నిరంతరం అలుపెరుగని కఠోర శ్రమ, దీక్షా దక్షత, తపోనిష్ట, స్త్రీ సేవలో కుటుంబం, సమాజాన్ని సమంగా ప్రేమించిన అరుదైన మహిళా రత్నం కాశీరత్నం!

కాశీరత్నం బహుముఖ ప్రజ్ఞాశాలి, కవయిత్రి, నవలా రచయిత్రి, గాయని, రాజకీయ నాయకు రాలు, సామాజిక పరిశోధకురాలు, సంఘ సేవకురాలు, వనితాజ్యోతి మాసపత్రిక విలేకరి నంది ఉమెన్స్ అసోసియేషన్ వ్యవస్థాపకురాలు.

గత తరాల వారికి ఏమాత్రం తీసిపోని ఆదర్శ భావాలు ఇప్పటి యువతరంలోనూ ఉన్నాయి. ఎన్నడూ లేని సాంకేతికత ఈ రోజు అందు బాటులో ఉంది. పాత తరం కాపాడిన గొప్ప వార సత్వాన్ని యువతరం కాపాడాలి.అందరికీ నాణ్య మైన విద్య, ఆరోగ్యాలను అందించడంలో ప్రభుత్వాలను ప్రోత్సహిస్తూ చట్టబద్ద పాలనను అమలు చేసి పర్యావరణ రహితంగా ఆర్థిక రంగాన్ని చిన్నపాటి గ్రామాల్లో అమలు చేస్తే బాల్యంలో హరివిల్లు వంటి ఆనందాల మధ్య కాశీరత్నం అనుభవించిన అపురూప జీవితాన్ని ఎవరైనా ఆస్వాదించగలరు. ఇంత వయసులోనూ సొంత జీవితాన్ని చూసుకుంటూ మంచి సమాజం కోసం కాశీరత్నం చిత్తశుద్ధితో పని చేస్తున్నారు.