మెన్స్ట్రువల్ హైజీన్ ఎందుకు అవసరం

పీరియడ్స్ సమయంలో పరిశుభ్రతపై ప్రత్యేక శ్రద్ధ ఎందుకు తీసుకోవాలో మీరు తప్పకుండా తెలుసుకోవాలి.

- - నసీమ్ అన్సారీ కోచర్ •

13 ఏళ్ల వయసులో పీరియడ్స్ ప్రారంభం కావడం అనేది అమ్మాయిల జీవితంలో జరిగే ఒక ప్రత్యేకమైన సంఘటన. ఆడ పిల్లలు ఆటలు పాటలు, చదువుల ధ్యాసలో పడి నెలలో 5 రోజులు నొప్పి, ఒత్తిడి, సిగ్గుతో అనేక విషయాలపై అవగాహన లేక పరిశుభ్రతపై పూర్తి జాగ్రత్తలు తీసుకోకపోవడంతో వారు ఎన్నో వ్యాధుల బారిన పడుతున్నారు.

పీరియడ్స్ రావడం ఒక సహజమైన ప్రక్రియ.అయినా నేటికీ దీన్ని భారతీయ సమాజంలో అపవిత్రమైనదిగా, మైలగా పరిగణిస్తున్నారు. ఇది మహిళల ఆరోగ్యంపై ప్రతికూల ప్రభావాన్ని కలిగిస్తోంది.

ప్రపంచవ్యాప్తంగా లక్షలాది మహిళలు, అమ్మాయిలు పీరియడ్స్ కారణంగా వారు కళంకాన్ని ఎదుర్కోవలసి వస్తోంది. ఈ సమయంలో స్త్రీలపై ఎన్నో ఆంక్షలు విధిస్తారు. వారిపై వివక్ష చూపు తారు. దాంతో వారు పరి శుభ్రత పాటించకుండా, మురికి వాతావరణంలో నివసించాల్సి వస్తుంది. కొందరి ఇళ్లలో ఈ సమయంలో వంటింట్లోకి రానివ్వరు. ఆహార పదార్థాలు ముట్టుకోనివ్వరు. పీరియడ్స్ సమయంలో ఆడపిల్లలు స్నానం చేయకుండా నిరోధిస్తారు. మహిళ వివాహిత అయితే ఈ రోజుల్లో భర్తతో ఒకే మంచంపై పడుకోవడానికి వీలు ఉండదు.కింద చాప వేసుకుని ఆమె పడుకోవాలి.

భద్రత గాల్లో వదిలేసారు

నేటికీ గ్రామీణ ప్రాంతాల్లో చాలా చోట్ల పీరియడ్స్ వచ్చినప్పుడు స్త్రీ ఐదు రోజులు ఇంటి వెలుపల నివసించాల్సి వస్తోంది. గుడిసెలోనో పాడు బడిన గదిలోనో ఆమె ఉంటుంది. పాత బట్టలు, పొడి గుడ్డలతో రక్తస్రావాన్ని తుడుచుకుంటుంది. దూరంగా ఉన్నన్ని రోజులు ఎవ్వరినీ కలవదు. నేలపైనే నిద్రపోతుంది. వంట తనే చేసుకుంటుంది. స్నానం చేయకూడదు ఒక్కసారి ఊహించుకోండి. ఆమెకు జ్వరం వస్తే ఒంటరిగా ఆ గుడిసెలో గదిలో 5 రోజులు గడపడం ఎంత కష్టమో. మీరు ఆమె జీవితంతో ఆడుకోవడం లేదా? నేలపై నిద్రపోతే విష పురుగులు, పాములు, తేళ్లు, జెర్లు లాంటివి కాటు వేయవా? ఇది నిజంగా భద్రతను ఉల్లంఘించడమే.