కాస్మెటిక్ సర్జరీ ప్రాణాంతకం

అందంగా కనిపించాలనే తపనతో మీ ప్రాణాలనే పణంగా పెట్టకూడదని తెలుసుకోవడం చాలా ముఖ్యం.

- - గృహశోభ ప్రతినిధి

10 మే, 2022 నాడు బెంగళూర్లో బరువు తగ్గడం కోసం లైపోసక్షన్ చికిత్స చేయించుకోవడానికి వెళ్లిన కన్నడ బుల్లితెర నటి చేతన రాజ్ విషాదకరంగా మరణించింది. ఆమె చాలా కన్నడ సీరియల్స్లో నటించింది. అయితే తను లావు తగ్గించుకోవ డానికని సాహెబ్ గౌడ శెట్టి క్లినిక్ కి వెళ్లింది.

ఆమె పరిస్థితి విషమించినా మరో పెద్ద ఆసుపత్రికి వెళ్లేందుకు వైద్యులు అనుమతించలేదు. కొవ్వు రహిత ప్లాస్టిక్ సర్జరీ చాలా సురక్షితమైనది అయినప్పటికీ, ప్రతి శస్త్ర చికిత్సతో కష్టనష్టాలు ఉంటాయి. వైద్యులు శస్త్ర చికిత్సను వారిస్తారు. అయినా కొందరు యువతులు సర్జరీ చేయించుకుంటున్నారు.

తాను సన్నబడటానికి గల రహస్యం ప్రజలకు తెలియకూడదని చేతన తన తల్లిదండ్రులకు కానీ, లేదా ఏ దగ్గరి బంధువులకు కూడా తెలియ జేయకుండా శస్త్ర చికిత్స చేయించుకోవడానికి వెళ్లింది. శస్త్ర చికిత్స సమయంలో, ఆమె ఊపిరితిత్తులలో నీరు చేరింది. దాని కారణంగా ఆమె మరణించింది.

కొవ్వు రహిత శస్త్ర చికిత్సలో, తుంటి, తొడలు, చేతులు మొదలైన వాటి నుంచి కొవ్వు తొలగిస్తారు. మారుతున్న కాలంతోపాటు, తాము అందంగా కనిపించాలన్న కోరిక ప్రజలలో పెరిగింది. కొందరు సెలబ్రిటీలు మరింత నాజూగ్గా కనిపించాలని కోరుకుంటారు. ఇందుకోసం ఎంతటి మూల్యం చెల్లించడానికైనా సిద్ధంగా ఉన్నారు. చాలాసార్లు ఇలాంటి డిమాండ్లు చేస్తుంటే మేము నెరవేర్చలేమని కాస్మెటిక్ సర్జన్లు చెబుతున్నారు. అయితే విదేశాల్లో ఈ కాస్మెటిక్ సర్జరీ సర్వసాధారణం.

రిస్క్ ఉన్నా క్రేజ్

ప్లాస్టిక్ సర్జరీ ఎల్లప్పుడూ విజయవంతం అవుతుందన్న గ్యారంటీ లేదు. ఈ సర్జరీతో మీరు కోరుకున్న అందం సంగతి అటుంచితే ప్రాణాలు పోయే ప్రమాదం కూడా ఉంటుంది. కొన్నిసార్లు కోరుకున్న అందం రాకపోగా భయంకరమైన పరిణామాలను అనుభవించవలసి ఉంటుంది.

కొంతమంది సెలబ్రిటీలు సర్జరీ తర్వాత అనేక సమస్యలను ఎదుర్కోవాల్సి వచ్చింది. అనేక శస్త్ర చికిత్సలు విజయవంతం కాకుండా, ఉన్న రూపం కూడా చెడిపోతుంది. కొన్నిసార్లు ఇన్ఫెక్షన్ కూడా అవుతుంది. కాస్మెటిక్ సర్జరీ కూడా మరణానికి కారణం కావచ్చు. అయినా ప్రజలలో దీనిపై క్రేజ్ కొనసాగుతోంది.

ఫేస్ లిఫ్ట్ కాకుండా రొమ్ము శస్త్ర చికిత్స మహిళల్లో ఎక్కువగా ప్రాచుర్యం పొందింది. శస్త్ర చికిత్స కానటువంటి చికిత్సలలో బొటాక్స్ అత్యంత ప్రాచుర్యం పొందింది.

సామాన్య ప్రజలలోనూ ప్రాచుర్యం పొందింది