పండుగ రోజుల్లో ఇంటిని ఇలా అలంకరించండి...

పండుగ వస్తే మీరెలా కొత్త బట్టలు కొనుక్కుంటారో అలాగే మీ ఇంటిని కూడా కొత్తగా, కలర్ఫుల్గా అలంకరించుకోవాలి.

- శోభా కటారే • -

పండుగ వస్తే మీరెలా కొత్త బట్టలు కొనుక్కుంటారో అలాగే మీ ఇంటిని కూడా కొత్తగా, కలర్ఫుల్గా అలంకరించుకోవాలి.అప్పుడే మీకు పండుగ జరుపుకుంటున్న ఫీలింగ్ వస్తుంది.

దసరా, దీపావళి పండుగలు రాబోతున్నాయి. వాటికి సంబంధించిన సన్నాహాలు కూడా ఇళ్లలో మొదలయ్యాయి. ఈ పండుగ సన్నాహాల్లో ఇంటిని శుభ్రపరచడం, పెయింటింగ్ చేయడం అత్యంత ముఖ్యమైనవిగా పరిగణిస్తారు. అందుకే ఇంటికి సరైన రంగుల కలయికతో కొత్త కళను సంతరించుకునేలా మరింత అందంగా తీర్చిదిద్దుకోవాలి. ఇల్లు అయినా ఏ గది అయినా సరైన రంగుల కలయికతో అందంగా తీర్చి దిద్దుకోవచ్చు. దీని కోసం మీరు చేయవలసిందల్లా సరైన రంగులను ఎంచుకోవడం. మ్యాచింగ్ రంగులను మీ ఇంటికి వేయడం వల్ల ఇల్లు మరింత ఆకర్షణీయంగానే కాకుండా అందంగా మార్చుకోవచ్చు.

తెలుపు లేదా లేత రంగుల ఎంపిక

చాలామంది ఇంటి గోడలపై తెలుపు లేదా లేత రంగును ఎంచుకుంటారు. ఎందుకంటే ఇది క్లాసీ రూపాన్ని ఇస్తుంది. అంతేకాకుండా ఎల్లప్పుడూ ట్రెండ్లో ఉంటుంది. తెలుపు లేదా లేత రంగుల గోడలు గది మొత్తాన్ని పెద్దవిగా, మెరుగ్గా ఎక్కువ వెలుతురు కనిపించేలా చేస్తాయి. గది లేదా ఇంట్లో ఉన్న ఫర్నిచర్ లేదా అలంకరణ వస్తువులపై వీక్షకుల దృష్టిని కేంద్రీకరించడంలో సహాయపడుతుంది.

ఇలాంటి రంగులను ఎంచుకోండి

అపోజిట్ రంగులను ఎంపిక చేసుకోవడంలో మీరు మీ ఇంటిని కూడా కలర్ఫుల్గా చేసుకో వచ్చు. దీని కోసం ఎరుపుతో పసుపు, ఆకు పచ్చతో నారింజ లేదా పసుపు లాంటి రంగులను వేయాలి. ఆరెంజ్లో నీలం, ఆకుపచ్చతో ఎరుపు లేదా ఊదాతో పసుపు వంటి రంగులను ఎంచుకోవచ్చు.