వర్షాకాలంలో మీ ఇంటిని ఇలా సంరక్షించుకోండి

ఈ ఇంటి సంరక్షణ చిట్కాలు వర్షాకాలంలో మీకు ఎంతో ఉపయోగకరంగా ఉంటాయి.

- - లలితేష్ మంద్రేకర్ •

తడిసిన నేల వాసనతో పాటు సువా సనతో కూడిన టీ ని ఆస్వాదించే వర్షాకాలం ఇది. ఈ సీజన్లో వారాంతపు విహార యాత్రకు వెళ్లినా, పర్వత ప్రాంతాలు, మైదానాలకు వెళ్లినా ఎక్కడ చూసినా పచ్చదనమే కనిపిస్తుంది. పరవళ్లు తొక్కే నదులు, కాలువలు కనిపిస్తాయి. అయితే వర్షాకాలంలో మనం కొన్ని సవాళ్లను కూడా ఎదుర్కోవలసి వస్తుంది. కొన్నిసార్లు కుండపోతగా కురుస్తున్న వర్షం వల్ల రోడ్లు నదులుగా మారతాయి. ఇంట్లో నుంచి బయటకు రాలేము.

ఇలాంటి రోజుల్లో వర్క్ ఫ్రమ్ హెూమ్ చేయాల్సి ఉంటుంది. కాబట్టి ఈ సీజన్లో మీ ఇంటినే వర్క్ స్టేషన్ చేసుకుంటే మంచిది.అప్పుడు మీ వీలును బట్టి పని చేసుకోవచ్చు. ఈ కాలంలో వేడి వేడి సూప్స్, సుగంధ భరిత కాఫీలతో వెచ్చగా, ఉత్సాహంగా గడపండి. వర్షం మీ మూడ్ను చెడగొడుతుంది. కాబట్టి ఇలా జరగ కుండా ఉండడానికి అదనపు దుస్తులు, బూట్లు మీతో ఉంచుకోండి. ఎల్లప్పుడూ ఒక ఫోల్డ బుల్ గొడుగు, దోమలను తరిమే స్ప్రే దగ్గర పెట్టుకోండి.

సంతోషంగా ఉండండి

వర్షాకాలంలో ఆకాశం మేఘావృతం కావడం కొన్నిసార్లు మీ మనసులో ఒత్తిడి లేదా ఉదాసీనతను కలిగిస్తుంది. ఇలాంటి పరిస్థితి నుంచి బయటపడడానికి ఒక మంచి ఉపాయం మీ ಇಲ್ಲು లేదా వర్క్ స్పేస్ ను ప్రకాశవంతంగా, పూర్తి కాంతితో ఉంచడం. ఇది మీ మనసుకి సంతోషం కలిగిస్తుంది. దీనికి ఫ్లోర్ ల్యాంప్స్ ఏర్పాటు చేయడం మంచి పద్ధతి.

ఇది తగినంత వెలుతురునిచ్చి గదిని పెద్దగా, విశాలంగా కనిపించేలా చేస్తుంది. మీ గది చిన్నగా ఉంటే బౌల్ ల్యాంప్ లేదా టేబుల్ ల్యాంప్ ఏర్పాటు చేసుకోవచ్చు. వాతావరణం అనుకూలంగా ఉన్నప్పుడు ఇంటి కిటికీలు తెరవచ్చు. సూర్యకాంతిని లోపలికి రానివ్వాలి.

చిన్న విషయాలపై శ్రద్ధ వహించండి

మీరు నివసించే స్థలాన్ని తాజాగా ఉంచుకోవడానికి తేమను గ్రహించే నాప్తలీన్ బాల్స్ లాంటి చిన్న విషయాలపైనా శ్రద్ధ చూపాలి. వీటిని ప్లాస్టిక్ లేదా గాజుతో కూడిన కంటెయినర్ పెట్టండి.