കാക്കിക്കുള്ളിലെ കലാഹൃദയം

വിവിധ മേഖലകളിൽ ശ്രദ്ധേയരായവർ തങ്ങളുടെ ജീവിതത്തിൽ വഴിത്തിരിവായ സന്ദർഭങ്ങൾ പങ്ക് വയ്ക്കുന്നു.

- ഉമ ആനന്ദ്

പോലീസെന്ന് കേൾക്കുമ്പോൾ മനസിൽ  ആദ്യം തെളിയുന്ന ചിത്രം അത്ര സുഖകരമല്ലെന്നത് ഒരു വസ്തുതയാണ്. പത്രങ്ങളിൽ കൂടുതൽ വരുന്നതും അതിക്രമത്തിന്റെ വാർത്തകൾ തന്നെ.

എങ്കിലും ഇതിനൊരു മറുവശമുണ്ട്. കാക്കിക്കുള്ളിലും മനുഷ്യപ്പറ്റും മൃഗ സ്നേഹവുമുള്ള ധാരാളം പേരുണ്ട്. അവരിൽ തന്നെ കലാകാരൻമാരും കായിക താരങ്ങളുമുണ്ട്. ആദ്യം ഭാഷാദ്ധ്യാപകനാവുകയും പിന്നീട് കാക്കിയണിഞ്ഞ് എസ്.ഐ.യും സി.ഐ.യുമായി അതിനിടയിൽ ചിത്രം വരയിൽ ആകൃഷ്ടനായി നാല് വർഷത്തോളം വര പഠിക്കുകയും പോലീസിന്റെ മാത്രം ചിത്രങ്ങൾ ഉൾപ്പെടുത്തിക്കൊണ്ടുള്ള പ്രദർശനം സംഘടിപ്പിക്കുകയും ചെയ്ത അനന്ത ലാൽ എന്ന പോലീസ് ചിത്രകാരന്റെ കഥയിങ്ങനെ.