ഇന്ന് സിനിമ വല്ലാതെ മാറിക്കഴിഞ്ഞു-ലൈല

സെക്കന്റ് ഇന്നിംഗ്സ് ശക്തമായ ഒരു കഥാപാത്രമായിട്ടായിരിക്കണം എന്നുകരുതി കാത്തിരിക്കുകയായിരുന്നു

- അജയ്കുമാർ

തൊണ്ണൂറുകളിലെ നായികമാരിൽ ലൈലയ്ക്ക് വലിയ മുഖവുരയുടെ ആവശ്യമില്ല. പാതി വിടർന്ന കണ്ണുകളും കണ്ണുകളും സദാ പുഞ്ചിരി മായാത്ത മുഖവുമാണ് ഈ ഗോവക്കാരിയുടെ ഐഡന്റിറ്റി. ദുഷൻ ദുനിയാ കാ എന്ന ഹിന്ദി സിനിമയിലൂടെ നായികയായി എത്തിയ ലൈലയെ മലയാളത്തിലൂടെ തെന്നിന്ത്യൻ സിനിമയിലേക്ക് ആനയിച്ചത് ക്യാപ്റ്റൻ രാജുവാണ്. അദ്ദേഹം സംവിധാനം ചെയ്ത "ഇതാ ഒരു സ്നേഹഗാഥ' എന്ന സിനിമയിൽ വിക്രമിന്റെ നായിക ലൈലയായിരുന്നു. പിന്നീട് തമിഴിലേക്ക് ചേക്കേറിയ ലൈല അവിടെ അജിത്, സൂര്യ, വിക്രം, എന്നീ മുൻനിര നായകന്മാരുടെയൊക്കെ സിനിമകളിലെ ഭാഗ്യതാരമായി ശോഭിച്ചു. ഒപ്പം തെലുങ്കിലും തന്റേതായ സ്ഥാനം ഉറപ്പിച്ചിരുന്നു. വിവാഹാനന്തരം ഏതാണ്ട് പതിനാറ് വർഷ ക്കാലം സിനിമയിൽ നിന്നും അകലം പാലിച്ചു ജീവിച്ച ലൈല കാർത്തിയുടെ "സർദാർ' എന്ന സിനിമയിലൂടെ തിരിച്ചുവരവ് നടത്തി സജീവമാ വുകയാണ്. അടുത്തിടെ ചെന്നൈയിൽ ഒരു ഹ്രസ്വ സന്ദർശനാർത്ഥം എത്തിയ ലൈലയുമായി ഒരു അഭിമുഖം.

പതിനാറ് വർഷത്തിനുശേഷമാണല്ലോ വീണ്ടും അഭിനയിക്കാൻ എത്തുന്നത്. ഇത്രയും വലിയ ഇടവേള എന്തിനായിരുന്നു?