സൗന്ദര്യം നൽകും പഴങ്ങൾ

ചില പഴങ്ങൾ ചിലരിൽ അലർജിയുണ്ടാകുമെന്നതൊഴിച്ചാൽ പൊതുവേ പാർശ്വഫലങ്ങൾ ഇല്ലാത്തവയാണ് പഴങ്ങൾ.

- കെ. ലക്ഷ്മി

ആരോഗ്യത്തിന് മാത്രമല്ല അഴകിനും അത്യത്തമമാണ് പഴങ്ങൾ. പഴവർഗ്ഗങ്ങൾ കൊണ്ടുള്ള ഫെയ്സ് പായ്ക്കുകൾ ചർമ്മസൗന്ദര്യം വർദ്ധിപ്പിക്കും. മുഖചർമ്മത്തിന്റെ പ്രകൃതിക്കനുസരിച്ച് വേണം ഫെയ്സ് പാക്കുകൾ തെരഞ്ഞെടുക്കാനെന്നുമാത്രം. ചില പഴങ്ങൾ ചിലരിൽ അലർജിയുണ്ടാകുമെന്നതൊഴിച്ചാൽ പൊതുവേ പാർശ്വഫലങ്ങൾ ഇല്ലാത്തവയാണ് പഴങ്ങൾ.

സാധാരണ ചർമ്മക്കാർക്ക്

കുമ്പളങ്ങയുടെ നീര് മുഖത്ത് തേച്ച് 20 മിനിട്ട് കഴിഞ്ഞ് കഴുകിക്കളയുക.

കടലമാവും കസ്തൂരിമഞ്ഞളും ചെറുനാരങ്ങാ നീരും ചേർത്ത് കഴുത്തിൽ പുരട്ടിയാൽ കറുത്തനിറം മാറിക്കിട്ടും.

അരടീസ്പൂൺ ചെറുനാരങ്ങാനീരും ഒരു ടീസ്പൂൺ തേനും അഞ്ചുതുള്ളി ഗ്ലിസറിനും ചേർത്ത് മുഖത്ത് പുരട്ടുക. 20 മിനിറ്റിനുശേഷം കഴുകിക്കളയുക. മുഖത്തിന് നല്ല തിളക്കം കിട്ടും.