ആരോഗ്യമുള്ള ശരീരത്തിലേ ആരോഗ്യമുള്ള മനസ്സുണ്ടാകൂ...

രാവും പകലും തിരിച്ചറിയാതെ ഇരുട്ടുമൂടി കോരിച്ചൊരിയുന്ന മഴ. നിലവിളക്കിൻവെട്ടത്തിൽ രാമനാമശീലുകൾ ഉരുവിടുന്ന കർക്കിടകനാളുകൾ വരവായി

- കാർത്തിക

പക്ഷിമൃഗാദികൾ പോലും വർഷകാലത്തെ കരുതി ഭക്ഷണവും പാർപ്പിടവുമെല്ലാം കരുതിവ യ്ക്കുന്നതുപോലെ മനുഷ്യനും പഞ്ഞമാസത്തെ മറികടക്കാൻ പലതും കരുതിവയ്ക്കുന്ന കൂട്ടത്തിൽ തന്റെ ആരോഗ്യകാര്യങ്ങളിലും ശ്രദ്ധിക്കാൻ മുതിരുന്നു.

കർക്കിടകം ദുർഘടം എന്നാണ് പഴമൊഴിയെങ്കിലും ഇന്നും ഒരർത്ഥത്തിൽ അതുതന്നെയാണ് തോന്നുന്നത്.

ഈ കർക്കിടകമാസത്തിൽ വായനക്കാർക്കായി “മഹിളാരത്നം' ആയുരാരോഗ്യ സൗഖ്യത്തിനായി പ്രാർത്ഥിക്കുന്നതോടൊപ്പം തന്നെ ആയുർവേദ ചികിത്സയെക്കുറിച്ച് ഒന്ന് ഓർമ്മപ്പെടുത്തുകയാണ്. ആരോഗ്യമുള്ള ശരീരത്തിലേ ആരോഗ്യമുള്ള മന സ്സുണ്ടാകൂ എന്നുപറയുന്നതുപോലെ ഓരോ വായ നക്കാരും ഈ കർക്കിടകക്കാലത്ത് ആരോഗ്യം സംരക്ഷിക്കാൻ ശ്രമിക്കുക.

ഋതുക്കൾ മാറുമ്പോൾ

ആയുർവേദത്തിൽ ഋതുക്കൾക്ക് അനുസരിച്ച് ജീവിതശൈലിയിൽ മാറ്റം വേണമെന്ന് പറയപ്പെടു ന്നു. ഋതുചര്യ എന്നാണ് ഇതിനെ പറയപ്പെടുന്നത്. ഓരോ ഋതുക്കളിലും തണുപ്പും ചൂടും മഴയും വരൾച്ചയും മാറിമാറി വരുന്നതിനനുസരിച്ച് ശരീരത്തിൽ രോഗങ്ങൾ വരാനും രോഗങ്ങൾ ഉള്ളവർക്ക് അത് വർദ്ധിക്കാനും സാധ്യതയുണ്ട്. അത് കണക്കിലെടുത്ത് ആ ഋതുവിന് അനുസരിച്ച് ജീവിത ശൈലിയിൽ ചില മാറ്റങ്ങൾ വരുത്തുക എന്നതാണ് ഋതുചര്യ കൊണ്ട് ഉദ്ദേശിക്കുന്നത്.

മഴക്കാലത്ത് ചെയ്യേണ്ട കാര്യങ്ങളാണ് വർഷ ഋതുചര്യ. നമ്മുടെ നാട്ടിൽ കർക്കിടകമാസത്തിൽ അതിയായ മഴലഭിക്കുന്ന സമയമായതിനാൽ വർഷഋതുചര്യയ്ക്ക് ഏറ്റവും പ്രാധാന്യം കൈവരുന്നത് കർക്കിടകത്തിലാണ്.

തണുപ്പിന്റെ ആധിക്യം കൊണ്ട് ശരീരവേദനകൾ, ശ്വാസംമുട്ടൽ, അസ്ഥി-സന്ധിരോഗങ്ങൾ എന്നിവ കഠിനമാകാൻ സാധ്യതയുള്ളതിനാൽ അത്തരം രോഗങ്ങൾക്ക് രോഗത്തിനനുസരിച്ചുള്ള ചികിത്സ അംഗീകാരമുള്ള വിദഗ്ദ്ധ ഡോക്ടർമാരുടെ സേവനം തേടാവുന്നതാണ്.

വേനലിൽ നിന്ന് മഴയിലേക്ക് മാറുന്നതോടെ ശരീരബലം കുറയുന്നതുവഴി നഷ്ടപ്പെടുന്ന പ്രതിരോധശേഷി കർക്കിടക ചികിത്സയിലൂടെ വീണ്ട ടുക്കാൻ ശ്രമിക്കുന്നു. ശരീരത്തെ നിലനിർത്തുന്ന ത്രിദോഷങ്ങളായ വാത, പിത്ത, കഫങ്ങളുടെ സന്തുലിതാവസ്ഥ ഉറപ്പാക്കുന്ന ചികിത്സാരീതികളും പഥ്യാഹാരവുമാണ് കർക്കിടക ചികിത്സ നിഷ്ക്കർഷിക്കുന്നത്.