ഹോസ്പിറ്റാലിറ്റിയിലെ ആൺകോയ്മ തകർത്ത 'പ്രൊഫഷണൽ ടച്ച്

പുരുഷമേധാവിത്വം നിലനിൽക്കുന്ന മേഖലയാണിത്. എന്നാൽ സ്ത്രീകൾക്ക് സേവനം ചെയ്യാനുള്ള കഴിവ് ജന്മസിദ്ധമായുണ്ട്. അതിനാൽ അവർക്ക് കടന്നുവരാൻ പറ്റിയ മേഖലയാണ് ഹോസ്പിറ്റാലിറ്റി സെക്റ്റർ. അതിനാവശ്യമായ താൽപ്പര്യവും പാഷനും ഉണ്ടായിരിക്കണം.

സ്ത്രീകൾക്ക് ഹോട്ടൽ ജോലിയാണെന്ന് കേട്ടാൽ വേറേ ജോലിയൊന്നും കിട്ടിയില്ലേ എന്ന് നാട്ടുകാരും ബന്ധുക്കളും നെറ്റിചുളിക്കുന്ന കാലത്താണ് തിരുവനന്തപുരം കുറവൻകോണം സ്വദേശി നിർമ്മല ലില്ലി കൊച്ചി വെല്ലിംഗ്ടൺ ഐലൻഡിലെ പ്രശസ്തമായ താജ് മലബാർ ഹോട്ടലിൽ ചേരുന്നത്. മൂന്നര പതിറ്റാണ്ടിനിപ്പുറം ദൈവത്തിന്റെ സ്വന്തം നാടായ കേരളത്തിലെ ഏറ്റവും പ്രശസ്തയായ ഹോസ്പിറ്റാലിറ്റി മാനേജ്മെന്റ് പ്രൊഫഷണലും സംരംഭകയുമാണ് അവർ. കൊച്ചി കേന്ദ്രമായി പ്രവർത്തിക്കുന്ന ഇൻഫിനിറ്റി ഹോസ്പിറ്റാലിറ്റി സർവീസസ് ചീഫ് എക്സിക്യൂട്ടീവ് ഓഫീസറായ (സി.ഇ.ഒ ഡോ. നിർമ്മല ലില്ലിയുടെ ജീവിതം ഇന്ത്യയിലെ ഹോസ്പിറ്റാലിറ്റി മേഖലയിൽ പണിയെടുക്കുന്ന വനിതകൾക്ക് വഴികാട്ടിയും മാതൃകയുമാണ്.

കേരളത്തിന്റെ ആതിഥ്യ, വിനോദ സഞ്ചാര രംഗത്ത് പ്രൊഫഷണൽ ടച്ച്' പ്രകടമല്ലാതിരുന്ന കാലത്താണ് ഈ രംഗത്തേക്ക് നിർമ്മല സധൈര്യം രംഗപ്രവേശം ചെയ്യുന്നത്. പുരുഷൻമാർക്കൊപ്പം തോളോടുതോൾ ചേർന്നു പ്രവർത്തിച്ച അവർ ഹോട്ടൽ മേഖല സ്ത്രീകൾക്ക് ഏറ്റവും അനുയോജ്യമായ തൊഴിലിടമാണെന്ന് മറ്റുള്ളവരെ ബോധ്യപ്പെടുത്തി. ഹോസ്പിറ്റാലിറ്റി രംഗത്തെ രാജ്യാന്തര ഫോറമായ സ്കോൾ ഇന്റർനാഷണലിന്റെ കൊച്ചി ചാപ്റ്റർ പ്രസിഡന്റായി നിർമ്മലയെ തെരഞ്ഞെടുത്തത് ആ മികവിനുള്ള അംഗീകാരമായിട്ടാണ്.

കേരള മാനേജ്മെന്റ് അസോസിയേഷൻ (കെഎംഎ)പ്രസിഡന്റ്, രാജ്യാന്തര സംഘടനയായ ടോസ്റ്റ് മാസ്റ്റേഴ്സ് ഇന്റർനാഷണലിന്റെ കേരളത്തിലെ ആദ്യത്തെ ഏരിയാ ഗവർണർ, ഡിവിഷൻ ഗവർണർ തുടങ്ങി ഒട്ടേറെ രാജ്യാന്തര എൻജിഒകളുടെയും സംഘടകളുടെയും ഭാരവാഹിയെന്ന നിലയിലും തിളക്കമാർന്ന പ്രകടനം കാഴ്ചവച്ചു. കഠിന പ്രയത്നംകൊണ്ട് വിജയത്തിന്റെ ഏണിപ്പടികൾ താണ്ടിയ അവർ “മഹിളാരത്നം' എറണാകുളം ബ്യൂറോചീഫ്മൈക്കിൾ വർഗ്ഗീസ് ചെങ്ങാടക്കരിയോട് സംസാരിക്കുന്നു.

'കാബറേ ഡാൻസർ, അല്ലെങ്കിൽ റിസപ്ഷനിസ്റ്റ്