ஓசையில்லா அலைகள்!

தேவலோகத்து மயன் வந்து அலங்கரித்து விட்டானோ..? என்று பார்ப்பவர்கள் ஒரு கணம் திகைத்துப் போகும்படி வானிலிருந்து இறங்கி வந்த நட்சத்திரங்களினால் அமைத்தது போல் வெண்ணிற விளக்குகள், அந்த ஹாலின் நாற்புறமும் சரமாய்த் தொங்க, முன்புறம் அமைக்கப்பட்டிருந்த செயற்கைக் குளத்திலிருந்து வர்ண நீரூற்று தனக்குள்ளிருந்து எழுந்த இதமான ஒலிக்குத் தகுந்தபடி தாளம் தப்பாது நடனமாடிக் கொண்டிருந்தது

- விஜி முருகநாதன்

முகப்பில் அமைக்கப்பட்டிருந்த தென்னங்கீற்று தட்டியின் நாற்புறமும் அலங்காரமாக ரோஜாக்கள் செருகப்பட்டு இடையில் சாதனைப் பெண்கள் என்ற ஜிகினா எழுத்துக்கள் மின்னின.

விழா ஆரம்பிக்க சில நிமிடங்களே இருந்தன. உள்ளே வந்திருந்த விருந்தினர்களை மேடைக்கு அழைக்க வரவேற்புரை வழங்கும் பெண்மைக்குக்கு முன் புறம் வந்து நின்றார்.