தன்னம்பிக்கை, விடாமுயற்சியின் மறுவடிவம் சவுபர்ணிகா!

இன்றைக்கு எல்லா துறையிலும் ஆண்களுக்கு நிகராக பெண்கள் வந்துவிட்டார்கள். அந்தத்துறையில் தக்க வைத்துக் கொள்ள அவர்கள் பெரும் போராட்டமே நடத்த வேண்டியுள்ளது.

இப்படிப் போராடி முன்னேறியவர் தான் நவீன ஆடை வடிவமைப்பாளர் சவுபர்ணிகா. 

வாழ்க்கையில் எடுத்து வைத்த ஒவ்வொரு அடியும் சறுக்கி விழுந்தார். சமூகம் அவரை ஏளனமாகப் பார்த்தது. ஆனால், விழுந்த ஒவ்வொரு அடியையும் தனது உயர்வுக்குப் படியாக மாற்றிக் கொண்டார். இன்றைக்கு வாழ்க்கையில் உயர்ந்து நிற்கிறார்.

தமது அனுபவங்களைப் பகிர்ந்து கொள்கிறார் சவுபர்ணிகா.

"சிறு வயதாக இருக்கும்போது எங்களது குடும்பம் மிகவும் செல்வச் செழிப்பாக இருந்தது. கோவையில் நடைபெற்ற குண்டு வெடிப்பு சம்பவத்தின்போது (1998) நடந்த கலவரத்தில் எனது அப்பாவின் தங்கப்பட்டறை சூறையாடப்பட்டதைத் தொடர்ந்து வாழ்க்கையின் திசை மாறியது.