இயற்கைக்கு மாறுங்கள்...அழகாய் மிளிருங்கள்!

ஒவ்வொரு பெண்ணும் தான் உடுத்தும் உடை மற்றும் தங்களின் தோற்றம் மேல் தனிப்பட்ட கவனம் செலுத்துவது என்பது இயற்கை. காரணம், அவர்கள் மற்றவர் கண்களுக்கு தான் எப்போதும் பளிச்சென்று இருக்க வேண்டும் என்றுதான் விரும்புவார்கள்.

- சித்ரா சுரேஷ்

அதற்காக தனிப்பட்ட கவனம் செலுத்தி வருவார்கள். தங்கள் முகம் பளிச்சென்று இருக்க வேண்டும். கூந்தல் கடல் அலை போல் அழகாக இருக்கவேண்டும் என்று நினைப்பதுண்டு. அதற்கு அவர்கள் பல அழகு சாதனப் பொருட்களை நாடுகிறார்கள். இவை எல்லாம் ரசாயனம் நிறைந்தவை என்றாலும் அதைத்தான் அவர்கள் விரும்புகிறார்கள்.

நம்மை அழகாக காட்சிப்படுத்தும் இந்த அழகு சாதனங்கள் ஒரு காலக்கட்டத்திற்கு பிறகு அவை நமக்கு கெடுதலே செய்கிறது. சிலருக்கு அலர்ஜியினை கூட ஏற்படுத்தும். இதனை காலப்போக்கில் புரிந்து கொண்ட பெண்கள் இயற்கை சார்ந்த அழகு பொருட்களுக்கு மாறி வருகிறார்கள். அதன் அடிப்படையில் முழுக்க முழுக்க இயற்கைப் பொருட்களை பயன்படுத்தி சருமம் மற்றும் தலைமுடிக்கு அழகு சாதனப் பொருட்களை தயாரித்து வருகிறார் சென்னையை சேர்ந்த சக்திமது.