முன்பு யுடியூப்பர் இப்போது தொழிலதிபர்!

நீங்கள் என்னவாக இருக்கிறீர்கள் என்பதை தெரிவிப்பதைவிட, எப்படி இந்த இடத்தை அடைந்தீர்கள் என்பதை மற்றவர்களுக்குச் சொல்வதே முக்கியம்..."

- மகேஸ்வரி நாகராஜன்

பெண்கள் நினைத்தால் எதையும் சாதிக்கலாம் என்பதற்கு சுபைதா அப்துல் கரீம் ஓர் உதாரணம்.

"என் பெயர் சுபைதா. எங்களுக்கு பூர்வீகம் குஜராத் மாநிலம். நான்கு தலை முறைகளுக்கு முன்பே காந்தி பிறந்த போர் பந்தலில் இருந்து மதுரை வந்து செட்டிலான வர்கள். எனது பெற்றோரில் தொடங்கி நாங்கள் பிறந்து வளர்ந்தது முழுக்க முழுக்க மதுரை. மீனாட்சி அம்மன் கோயில் அருகே எங்களுக்கு சொந்தமாய் ஜவுளிக்கடை இருந்தது. ஆறு வயதிலேயே நான் பள்ளி க்கூடம் முடிந்ததும், கடையில் துணிகள் இருக்கின்ற உயரமான ரேக்குகளின் மீது ஏறி, சரக்குகளை எடுத்துக் கொடுப்பது, வாடிக்கையாளர் கேட்பதை எடுத்துக்காட் டுவது என தொழில் பழக ஆரம்பித்தவள். அப்பாவைப் பார்த்தே பெரும்பாலும் வளர்ந்ததால் தொழிலதிபராகும் கனவு எனக்குள் இருந்தது. வளர்ந்து பி.எஸ்.ஸி கம்ப்யூட்டர் சயின்ஸ் முடித்ததும், சட்டம் படிக்கும் ஆசை வந்தது. ஆனால் வாழ்க்கை என்னை வேறு பக்கமாக நகர்த்தியது.

எங்கள் சமூகத்தில் பெண்களுக்கு சீக்கிரமே திருமணம் செய்துவிடுவார்கள் என்பதால், சொந்த அத்தை மகனுக்கே என்னைத் திருமணம் செய்தனர். அவர் என் உறவினர் என்றாலும், தெரியாதவரைத் திருமணம் செய்தது போன்றே இருந்தது. காரணம், அவர் வேறொரு ஊரில் படித்து வளர்ந்ததால், திருமணம்வரை நாங்கள் அதிகம் பார்த்துக்கொண்டதில்லை.