ആ നീർമാതളത്തിന് ചുറ്റും ഞങ്ങളിരിക്കുമ്പോൾ

പെണ്ണുങ്ങൾ ഒരുമിച്ചു ചേരുമ്പോൾ വിരിയുന്ന കുഞ്ഞു വിസ്മയങ്ങൾ, ആനന്ദങ്ങൾ. പെൺ കൂട്ടായ്മകളുടെ രസങ്ങൾ പങ്കുവയ്ക്കുന്ന പംക്തി

രാത്രിയുടെ കറുപ്പു പടരുന്ന സായം സന്ധ്യയിൽ പ്രശസ്ത നർത്തകി മല്ലിക സാരാഭായി തിരുവനന്തപുരം മാനവീയം വീഥിയിൽ നൃത്തം ചെയ്യുന്നു. ഒരുപറ്റം സ്ത്രീകൾ അത് ആസ്വദിച്ച് ഇരിക്കു ന്നു. അപൂർവമായ കാഴ്ചയായിരുന്നു അത്.

“തിരുവനന്തപുരത്ത് ജെൻഡർ സെമിനാറിനെത്തിയ മല്ലിക സാരാഭായി ഞങ്ങളുടെ കൂട്ടായ്മയെ കുറിച്ച് കേട്ടറിഞ്ഞ് എത്തിയതാണ്. 'ഇടം' എന്നു പേരിട്ടു വിളിക്കുന്ന തിരുവനന്തപുരത്തെ ഈ കൂട്ടായ്മ പൊതുസ്ഥലത്ത് സ്ത്രീകൾക്കും ഇടം വേണം എന്ന ചിന്തയോടെ തുടങ്ങിയതാണ്.''കൂട്ടായ്മയ്ക്ക് ചുക്കാൻ പിടിക്കുന്ന ഗീതാ നസീർ വാചാലയായി.