ഈ ക്വാമറ പൊളിക്കും

ഫോട്ടോ എടുക്കാൻ മാത്രമല്ല ഈ ക്യാമറ ഉപയോഗിക്കാവുന്നത്. പിന്നെ എന്താണ് എന്നല്ലേ. ഇതാ അറിഞ്ഞോളൂ...

- രതീഷ് ആർ. മേനോൻ

ടെക്നോളജി വളരുന്തോറും ക്യാമറകൾ ചെറുതാകുകയും നമ്മുടെ സ്വകാര്യതയ്ക്ക് നേരെ വരെ അതു മിസൈൽ പോലെ പാഞ്ഞു വരികയും ചെയ്യുന്ന കാലമാണല്ലോ ഇത്. പക്ഷേ, ടെക്നോളജിയെ നന്മയ്ക്കും ഗുണത്തിനും വേണ്ടി ഉപയോഗിക്കുമ്പോഴാണ് നമ്മൾ അതിന്റെ വില മനസ്സിലാക്കുന്നത്. അങ്ങനെ മിടുക്കനായ ഒരു കുഞ്ഞൻ ഉപകരണത്തെ പരിചയപ്പെടാം.

"സാധനം കയ്യിലുണ്ടോ

ചെവിത്തോണ്ടി ഇല്ലാത്ത ഒരു വീടുപോലും നമ്മുടെ നാട്ടിലുണ്ടാകില്ല. സാധനം കയ്യിലില്ലെങ്കിൽ കയ്യിൽ കിട്ടുന്ന പക്ഷിത്തൂവൽ തൊട്ട് ചുള്ളിക്കമ്പു വരെ ചെവിയിലിട്ടു കറക്കാനും പലരും മടിക്കില്ല. അതുണ്ടാക്കുന്ന ആരോഗ്യപ്രശ്നങ്ങൾ വളരെ വലുതാണ് താനും.

ചെവി സ്മാർട്ടായി ക്ലീൻ ചെയ്യാൻ സഹായിക്കുന്ന ഉപകരണമാണ് പരിചയപ്പെടുത്തുന്നത്. കുഞ്ഞൻ ക്യാമറയടക്കമുള്ള ഈ ഉപകരണത്തിന്റെ പേരാണ് ക്ലീൻസിഫൈ. വിദഗ്ധ നിർദേശം സ്വീകരിച്ച ശേഷമേ ഇത് ഉപയോഗിക്കാവൂ.