വർഷം മുഴുവൻ വിളയും പാലക് ചീര

 ഗുണങ്ങളേറെയുള്ള പാലക് ചീര ചട്ടിയിലോ നിലത്തോ വളർത്താം

- റോസ്മേരി ജോയ്സ് മുൻ അസിസ്റ്റന്റ് ഡയറക്ടർ, കൃഷി വകുപ്പ്, എറണാകുളം

പോഷകഗുണം ഏറെയുള്ള പാലക് ശീതകാലവിളയാണെങ്കിലും ചൂടുള്ള കാലാവസ്ഥയിലും വളരും. വർഷം മുഴുവൻ നടാവുന്ന ഇലക്കറി വിളയാണ്.

ഭാഗികമായ തണലിലും തുറസ്സായ, സൂര്യപ്രകാശമുള്ളിടത്തും വളർത്താം. നാല് - ആറു മണിക്കൂർ സൂര്യപ്രകാശം ലഭിക്കുന്നിടത്തു നന്നായി വളരും. മണ്ണിൽ ഈർപ്പം നില നിർത്തണം. വെള്ളക്കെട്ട് പാടില്ല. മണ്ണ് വരണ്ടുണങ്ങിയാൽ പാലക് പൂത്തു പോകും. ഇലകൾക്ക് അരുചിയുണ്ടാകും. മണ്ണിൽ ഇലകൾ കൊണ്ടു പുതയിടുന്നതു നല്ലതാണ്.