ആഘോഷം കഴിഞ്ഞാലും വീട് സൂപ്പർ ക്ലീൻ

ആഘോഷങ്ങൾക്കിടെ അകത്തളത്തിൽ എത്തിയ അഴുക്കു നീക്കി വീടു ക്ലീനാക്കാം

ഓണവും ആഘോഷവും കഴിഞ്ഞു. ഈ തിരക്കിനിടെ വീട്ടിൽ കയറിക്കൂടിയ പൊടിയും അഴു ക്കും നീക്കി വീടിനു പുത്തനുണർവു നൽകാം.

അഴുക്കും പാടു വീണ സെറാമിക്, വിട്രിഫൈഡ് ടൈലുകൾ അണുനാശിനിയോ ക്ലീനിങ് ലിക്വിഡോ ചേർത്ത വെള്ളം കൊണ്ടു തുടയ്ക്കാം. ജനാലച്ചില്ലുകളും മറ്റു ഗ്ലാസ് പ്രതലങ്ങളും തുടച്ചു വൃത്തിയാക്കണം.

സോഫവാക്വം ക്ലീനർ ഉപയോഗിച്ചു വൃത്തിയാക്കാം. കറയോ മറ്റോ വീണിട്ടുണ്ടെങ്കിൽ വീര്യം കുറഞ്ഞ സോപ്പുലായനി ഉപയോഗിച്ചു തുടയ്ക്കാം. തുണി, റെക്സിൻ സോഫ ഇവ ഷാംപു കലക്കിയ വെള്ളം കൊണ്ടു ക്ലീൻ ചെയ്യാം.