മാർക്കല്ല വിജയമാകുക

മാർക്കല്ല വിജയത്തിലേക്കു വഴികാട്ടുകയെന്നു ജീവിതം കൊണ്ടു തെളിയിക്കുകയാണ് കെ. തോമസ് എന്ന മലയാളി

- ചൈത്രാലക്ഷ്മി

പത്താം ക്ലാസ് പരീക്ഷയിൽ ഫുൾ എ പ്ലസ് കിട്ടിയ കുട്ടികളുടെ വിജയം ആഘോഷിക്കുന്നതു കാണുമ്പോൾ എന്റെ പത്താം ക്ലാസ്സിലെ മാർക്ക് ഓർമ വരും. 260 മാർക്ക് ജയിക്കാൻ വേണ്ടിയിരുന്നത് 210. പത്താം ക്ലാസരീക്ഷയിൽ മാർ ക്ക് കുറഞ്ഞാൽ എവിടെത്താനാണ് എന്നു ചിന്തിക്കുന്നവരോടു “ദാ, ലോകത്തിന്റെ നെറുകയിൽ വരെ.. എന്നു ഞാൻ പറയും.

മത്സരപ്പരീക്ഷകളിലെ മാർക്കല്ല വിജയത്തിലേക്കു ള ചവിട്ടുപടിയെന്നു തെളിയിക്കുകയാണു ലോകാരോഗ്യസംഘടനയിലെ ഉദ്യോഗസ്ഥനായ തോമസ്. ജനീവയിൽ ഡബ്ല്യുഎച്ച്ഒയുടെ മുഖ്യകാര്യാലയ ത്തിൽ എമർജൻസി റെസ്പോൺസ് ഡിവിഷനിലെ പ്രോജക്ട് മാനേജ്മെന്റ് ഓഫിസറാണു മലയാളിയായ കെ.തോമസ്

അമ്മയുടെ യാത്രകൾ, എന്റേതും

“ഇടുക്കി കോതപ്പാറയിലാണു ഞാൻ ജനിച്ചത്. സ്കറിയയുടെയും ത്രേസിയാമ്മയുടെ യും ആറു മക്കളിൽ ഇളയ ആൾ, കുട്ടിക്കാലത്തു നാലു സഹോദരിമാരും ഒരു ചേട്ടനും ബന്ധുവീടുകളിൽ നിന്നായിരുന്നു പഠനം. അയ്യപ്പൻ കോവിൽ, മുത്തം പടി എന്നിവിടങ്ങളിൽ വിപുലമായ വ്യാപാരം നടത്തിയിരുന്നു ചാച്ചൻ. പക്ഷേ, ഇടുക്കി ഡാം നിർമാണത്തിനായുള്ള സ്ഥലമേറ്റെടുപ്പിനു ശേഷം ചാച്ചന്റെ വ്യാ പാരങ്ങൾ അടിതെറ്റി.

ചെറിയ വ്യാപാരങ്ങളായിരുന്നു ജീവിതമാർഗം പി ടിച്ചു നിൽക്കാൻ പലചരക്കും മലഞ്ചരക്കും മാറിമാറി പയറ്റി നോക്കി. വീടും കടയുമെല്ലാം ഒരുമിച്ചു തന്നെ. ഞാൻ പ്രൈമറി സ്കൂളിൽ പഠിക്കുന്ന കാലത്താണു കച്ചവടം തകർച്ചയിലേക്കു നീങ്ങിയത്. അതോടെ ജീ വിതം ബുദ്ധിമുട്ടിലായി. ആറു മക്കളെ വളർത്താനുള്ള ചെലവാകണം കച്ചവടത്തെ ബാധിച്ചത്.