വക്കീൽ ബിസിയാണ്

ഗൗതം വാസുദേവ് മേനോന്റെ ആദ്യ മലയാള സിനിമയിൽ മമ്മൂട്ടിക്കൊപ്പം അഭിനയിക്കുന്നതിന്റെ ത്രില്ലിലാണ് അഡ്വ. മീനാക്ഷി

- അഞ്ജലി അനിൽകുമാർ

ഒരു ഫോട്ടോ എടുത്തതാ...

കുറച്ചു പഴയ ചിത്രങ്ങൾ ഫ്രെയിം ചെയ്യാൻ വേണ്ടിയാണു ഞാനും അമ്മയും അടുത്തുള്ള സ്റ്റുഡിയോയിലേക്കു പോയത്. അവിടെയെത്തിയപ്പോൾ അമ്മയ്ക്ക് നൊസ്റ്റാൾജിയ അടിച്ചു. "സ്റ്റുഡിയോയിലൊക്കെ ഫോട്ടോ എടുത്തിട്ടു കുറച്ചായല്ലോ. ഒരു ഫോട്ടോ എടുത്താലോ' എന്നായി അമ്മ. അങ്ങനെ എടുത്ത ഫോട്ടോയും ഫ്രെയിം ചെയ്യാനുള്ള ഫോട്ടോസും സ്റ്റുഡിയോയിൽ ഏൽപ്പിച്ചു ഞങ്ങൾ വീട്ടിലേക്കു പോന്നു.

അടുത്ത ദിവസം അനീഷ് ഉപാസനയുടെ കോൾ വന്നു. അദ്ദേഹത്തിന്റെ സ്റ്റുഡിയോ ആണെന്നു ഞങ്ങൾക്ക് അറിയില്ലായിരുന്നു. അച്ഛന്റെ സുഹൃത്തായ അദ്ദേഹം പഴയ ചിത്രങ്ങളിലൂടെയാണ് ഞങ്ങളെ തിരിച്ചറിഞ്ഞത്. എനിക്ക് അഭിനയത്തിൽ താത്പര്യമുണ്ടോ എന്ന് ചോദിച്ചു. എന്തും ഒരു കൈ നോക്കാം എന്നതാണല്ലോ നമ്മുടെ ആറ്റിറ്റ്യൂഡ്. അപ്പോഴേ യെസ് പറഞ്ഞു.

അനീഷേട്ടൻ വഴിയാണ് ആദ്യ സിനിമയായ "വ ങ്കി'ലേക്ക് എത്തുന്നത്. അന്ന് ഞാൻ കുസാറ്റിൽ മുന്നാം വർഷ എൽഎൽബി പഠിക്കുന്നു. പിന്നെ വടക്കൻ എന്ന സിനിമയിലും അഭിനയിച്ചു. ഇപ്പോ "വക്കീലേ കേസുണ്ടേ...'' എന്ന് ആരെങ്കിലും പറഞ്ഞാൽ “അയ്യോ, എനിക്ക് അഭിനയിച്ചാൽ മതിയേ...'' എന്നു പറഞ്ഞ് ഓടും.

ഇനി മമ്മൂക്കയ്ക്കൊപ്പം