ഒരു വീട് സ്വന്തമാക്കാൻ എങ്ങനെ നിക്ഷേപിക്കണം?

മാസം 12,000 രൂപ മാത്രം വരുമാനമുള്ള യുവാവ് ചോദിക്കുന്നു - കിട്ടുന്ന വരുമാനം വളരെ കുറവാണെങ്കിലും വീടെന്ന സ്വപ്നം സാക്ഷാത്കരിക്കാൻ അതിൽനിന്നു ഭേദപ്പെട്ട രീതിയിൽ മിച്ചം പിടിച്ച് നിക്ഷേപം നടത്തുന്ന ഈ ചെറുപ്പക്കാരന്റെ ആഗ്രഹം എങ്ങനെയാണ് സഫലമാക്കാൻ കഴിയുക?

Q വിവാഹിതനും ഒരു പെൺകുഞ്ഞിന്റെ പിതാവുമായ എനിക്ക് 30 വയസ്സുണ്ട്. ആശാരിപ്പണി (carpenter) യാണ് വരുമാനമാർഗം. സ്ഥിരം പണി കിട്ടാറില്ലെങ്കിലും പ്രതിമാസം 12,000 രൂപയോളം വരുമാനം പ്രതീക്ഷിക്കാം. ഭാര്യ ജോലിക്കൊന്നും പോകുന്നില്ല. കിട്ടുന്ന തുകയിൽ വീട്ടുചെലവും മറ്റും കഴിഞ്ഞുള്ളതിൽ 2,000 രൂപ പോസ്റ്റ് ഓഫീസിൽ റിക്കറിങ് ഡിപ്പോസിറ്റ് ചെയ്യുന്നു.