തിരുത്തൽ ആറു മാസംവരെ നീളാം, ഭയം വേണ്ട, നിക്ഷേപം തുടരാം

കോർപറേറ്റുകളുടെ പാദഫലങ്ങൾ വിപണിയുടെ പ്രതീക്ഷയ്ക്കനുസരിച്ച് ഉയർന്നില്ല എന്നതാണ് തിരുത്തലിന്റെ പ്രധാന കാരണം.

- എൻ.ഭുവനേന്ദ്രൻ മാനേജിങ് ഡയറക്ടർ, അഹല്യ ഫിൻഫോറെക്സ്

വർഷങ്ങൾ നീണ്ട വലിയൊരു കുതിപ്പിനുശേഷം ഇപ്പോൾ വിപണി തിരുത്തലിലേക്കു കടന്നിരിക്കുകയാണ്. ഇനി നിഫ്റ്റിക്ക് 23,200-23,000ൽ ആണ് ഒരു പ്രധാന പിന്തുണ പറയുന്നത്. ആ ഒരു നിലയിലേക്കുവരെ തിരുത്തൽ പ്രതീക്ഷിക്കണം.

ഈ തിരുത്തലിനുള്ള പ്രധാന കാരണം കോർപറേറ്റുകളുടെ പാദഫലങ്ങൾ വിപണിയുടെ പ്രതീക്ഷയ്ക്ക് അനുസരിച്ചു വന്നില്ല എന്നതാണ്. പിന്നെ ഇന്ത്യയിൽ വിപണിവില വളരെ ഉയർന്നു നിൽക്കുകയാണ്. തുടർച്ചയായി ഒരു ദിശയിലേക്കു മാത്രം നീങ്ങാൻ വിപണിക്കു കഴിയില്ല. അതുകൊണ്ടുതന്നെ സ്വാഭാവികമായ വിൽപനയും അതിനെത്തുടർന്നുള്ള തിരുത്തലുമാണ് നാം കാണുന്നത്.

ഇടിവിനു കാരണങ്ങൾ പലത്