திருச்சேறை காவிரிக் கரையில் லிங்குசாமி சொன்ன கதை!

2001 மே 25 ஒரு மறக்க முடியாத நாள். ஒரு இயக்குநராக நண்பர் லிங்குசாமியின் திரைப் பயணம் தொடங்கிய நாள். அதில் என் பங்கு வசனமும் இணை இயக்கமும். ஒரே அறைத் தோழர்களாக இருந்து நான்காண்டுகள் கொஞ்சம் கொஞ்சமாகப் பேசிப் பேசி வளர்த்த கதை. லிங்குசாமி தன் குடும்பத்தில் நடந்த சம்பவங்களைத் தொகுத்துக் கொண்டு வந்த கதையைத் திருச்சேறைக் காவிரிக்கரையில் வைத்துச் சொன்ன நாள் நினைவில் இன்னும் நிலைத்திருக்கிறது.

ஆற்றில் வெள்ளம் வடிந்து தண்ணீர் சன்னமாக ஓடிக்கொண்டிருந்தது. அவர் சொன்ன காட்சிகளில் காவிரி நீரின் ஈரம் சலசலத்து ஓடிக்கொண்டிருந்ததை என்னால் உள்ளுக்குள் உணரமுடிந்தது.