கால்வனிஸம்

கால்வனி என்ற பெயரைக் கொண்ட, நிறைய படித்த ஒரு இத்தாலிக் காரர் இருந்தார்.

- லியோ டால்ஸ்டாய்

அவரின் கையில் மின்சாரத்தால் செயல்படக்கூடிய ஒரு எந்திரம் இருந்தது. அதை பயன்படுத்தி, மின்சாரம் என்றால் என்ன என்பதை மாணவர்களுக்கு விளக்கிக் காட்டுவார்.

சில்க் துணியைக்கொண்டு ஸ்படிகத்தில் தேய்த்து, தொடர்ந்து ஸ்படிகத்திற்கருகில் ஒரு பித்தளையாலான கதவின் கைப்பிடியைக் கொண்டு வந்து, ஸ்படிகத்திலிருந்து பித்தளையாலான கதவின் கைப்பிடிக்கு ஒரு மின்சக்தியை அவர் வரவழைத்தார்.

முத்திரை வைப்பதற்கு பயன்படக்கூடிய அரக்கு, மஞ்சள் நிற பிசின் (ஆம்பர்)... தைப் போல் மின்சக்தி இவற்றிலிருந்தும் உண்டாகும் என்பதை அவர் விளக்கிக் கூறினார்.

தூவல்களும் காகிதத் துண்டுகளும் மின்சக்தியால் ஈர்க்கப்படவோ விலக்கப்படவோ செய்யும் என்பதை நிரூபித்துக் காட்டி, அதற்குப் பின்னால் இருக்கக்கூடிய காரணத்தை விளக்கவும் செய்தார்.

மின்சக்தியைக் கொண்டு அனைத்து வகையான சோதனைகளையும் நடத்தி, அவற்றை அவர் மாணவர்களுக்குக் காட்டினார்.

ஒருநாள் அவருடைய மனைவிக்கு உடல் நல பாதிப்பு உண்டாகி விட்டது. அவர் ஒரு மருத்துவரை வரவழைத்து, அவளை எப்படி குணப்படுத்துவது என்பதைப் பற்றி ஆராய்ந்தார்.

அவளுக்கு ஒரு தவளை சூப் உண்டாக்கிக் கொடுக்குமாறு மருத்துவர் அவரிடம் கூறினார். சாப்பிடும் வகையில் இருக்கக்கூடிய தவளைகளைப் பிடிக்கும்படி கால்வனி உத்தரவு பிறப்பித்தார்.

அவர்கள் தவளைகளைப் பிடித்துக்கொன்று, அவருடைய மேஜையில் கொண்டு வந்து வைத்தார்கள்.

தவளைகளுக்காக சமையல்காரர் வந்து சேர்வதற்கு முன்னால், கால்வனி தன் மின் எந்திரத்தை மாணவர்களுக்குக் காட்டினார். அதன்வழியாக மின்சக்தி பாய்ந்து கொண்டிருந்தது.

திடீரென மேஜையின் மீதிருந்த இறந்து விட்ட தவளைகளின் கால்கள் அசைவதை அவர் பார்த்தார். அவர் கூர்ந்து கவனித்தபோது, ஒவ்வொரு முறையும் எந்திரத்தின் வழியாக மின்சக்தி பாயும்போதெல்லாம் தவளையின் கால்கள் அசைவதைப் பார்த்தார்.

பல தடவைகள் பலமான காற்று கடந்து சென்றா லும், தவளைகள் அசையவில்லை.