അഹിംസ മറന്നുപോകുന്ന വീടുകൾ

ഒക്ടോബർ രണ്ടിന് നമ്മളെല്ലാം മഹാത്മാഗാന്ധിയെ അനുസ്മരിച്ചു. ഒക്ടോബർ രണ്ടും ജനുവരി മുപ്പതും കേവലം രണ്ടു ദിനാചാരണങ്ങളായി മാറി. ഗാന്ധിജി പറഞ്ഞതൊക്കെ മഹത്തരമാണെങ്കിലും അവയൊന്നും ഇന്നത്തെ ലോകത്തു പ്രായോഗികമല്ലെന്ന് നമ്മൾ സ്വയം തീരുമാനിച്ചു.

ഉത്കൃഷ്ടമായ ആദർശങ്ങൾ പ്രായോഗികമല്ലെന്നു വിശ്വസിക്കുമ്പോൾ, ഹീന വും സങ്കുചിതവുമായ ആശയങ്ങൾ മാത്രമേ സ്വീകാര്യമാവൂ എന്നുകൂടി നമ്മൾ സമ്മതിക്കുകയാണ്. മഹത്വമുള്ള ആശയങ്ങൾ അപ്രായോഗികമെന്നു വിചാരിക്കാൻ തുടങ്ങുമ്പോൾ ഒരു സമൂഹം ധാർമ്മികമായി അധഃപതിക്കും.