മലപ്പുറത്തെ "നല്ല ഡ്രൈവർമാർ

മലയാള മനോരമയും ഫാസ്റ്റ് ട്രാക്കും കെവിആർ മാരുതിയും ചേർന്നു മോട്ടർ വാഹന വകുപ്പ് എൻഫോഴ്സ്മെന്റ് വിഭാഗത്തിന്റെ സഹകരണത്തോടെ മലപ്പുറത്തു നടത്തിയ നടത്തിയ നല്ല ഡ്രൈവർക്ക് ഉടൻ സമ്മാനം' ക്യാംപെയ്ൻ നാടിന്റെ കയ്യടി നേടി.

- sajesh

തെറ്റുകൾക്കു പിഴയിടുകയാണെങ്കിൽ നല്ലതിനു സമ്മാനവും കൊടുക്കേണ്ടേ?' മലപ്പുറത്ത് സൂപ്പർ ഹിറ്റായി മാറിയ "നല്ല ഡ്രൈവർക്ക് ഉടൻ സമ്മാനം' ക്യാംപെയ്നിന്റെ ആശയവിത്ത് ഇതായിരുന്നു. മോട്ടർ വെഹിക്കിൾ ഇൻസ്പെക്ടർ കൈ കാണിക്കുമ്പോൾ പരിഭ്രമത്തോടെ വാഹനത്തിൽ നിന്നിറങ്ങിയ ഡ്രൈവർമാർ സമ്മാനവും വാങ്ങിച്ച് നിറചിരിയോടെ തിരിച്ചു കയറി. മാരുതിയുടെ മലപ്പുറത്തെ പ്രമുഖ ഡീലറായ കെവിആറും മലയാള മനോരമയും ഫാസ്റ്റ് ട്രാക്കുംചേർന്നു മോട്ടർ വാഹന വകുപ്പ് എൻ ഫോഴ്സ്മെന്റ് വിഭാഗത്തിന്റെ സഹക രണത്തോടെ നടത്തിയ ക്യാംപെയ്ൻ നാടിന്റെ കയ്യടി നേടിയാണു സമാപിച്ചത്. ആഴ്ചയിൽ രണ്ടു ദിവസം വീതം ഒരു മാസം നീണ്ടു നിന്ന ക്യാംപെയ്ൻ ആയിരുന്നു നല്ല ഡ്രൈവർക്ക് ഉടൻ സമ്മാനം'. സാധാരണപോലെ മോട്ടർ വാഹന വകുപ്പിന്റെ വാഹന പരിശോധന. പിഴയീടാക്കാനല്ല, സമ്മാനം നൽകാനാണെന്ന വ്യത്യാസം മാത്രം.

പെരുകുന്ന വാഹനാപകടങ്ങൾ