MORE PREMIUM...

ഇന്ധനക്ഷമതയും പെർഫോമൻസുമേറിയ എൻജിനും നൂതന ഫീച്ചറുകളുമായി പുതിയ കോഡിയാക്

- നോബിൾ എം. മാത്യു

സ്കോഡയുടെ ഫ്ലാഗ്ഷിപ് മോഡലിനെ വീണ്ടും ഇന്ത്യൻ വിപണിയിൽ അവതരിപ്പിച്ചിരിക്കുകയാണ് സ്കോഡ. പരിഷ്കാരങ്ങ ളോടെയാണ് പുതിയ വരവ്. സെവൻ സീറ്റർ ലക്ഷ്വറി എസ്യുവി വിപണിയിൽ കോഡിയാക്കിന്റെ ഡിമാൻഡ് കണ്ടുകൊണ്ടുതന്നെയാണ് സ്കോഡയുടെ ഈ തീരുമാനം. സെവൻ സീറ്റർ എസ്വിക്ക് ഇത്ര ഡിമാൻഡോ എന്നു സംശയം തോന്നാം. പക്ഷേ, വിശ്വസിച്ചേ പറ്റൂ. മുൻ മോഡൽ ചൂടപ്പം പോലെയാണു വിറ്റുതീർന്നത്.

ഫീച്ചേഴ്സുകൊണ്ടും പെർഫോമൻസു കൊണ്ടും നിർമാണ നിലവാരം കൊണ്ടും വേറിട്ടു നിൽക്കുന്ന 2023 മോഡൽ കോഡിയാക്കുമായി മുംബൈയിലൂടെയൊന്നു കറങ്ങിവരാം.

ഡിസൈൻ

മൂന്നു വേരിയന്റുകളാണ് പുതിയ കോഡിയാക്കിനുള്ളത്. സ്റ്റൈൽ, സ്പോർട് ലൈൻ, എൽ ആൻഡ് കെ. മുൻമോഡലിനെ അപേക്ഷിച്ച് ഡിസൈനിൽ കാര്യമായ മാറ്റമില്ല. എന്നാൽ, ചില കൂട്ടിച്ചേർക്കലുകളുണ്ട്. ഡോർ എഡ്ജ് പ്രൊട്ടക്ടറാണ് അതിലൊന്ന്. ഡോർ തുറക്കുമ്പോൾ താനേ പുറത്തേക്കു വരുന്ന റബർ ബീഡിങ്ങാണിത്. ഡോറിന്റെ അരിക് ഒരിടത്തും കൊണ്ട് പോറലോ ചളുക്കമോ വരില്ല. മറ്റൊന്ന്, റിയർ സ്പോയ്ലറിനു നൽകിയ ഫിൻലെറ്റുകളാണ്. എയ്റോഡൈനാമിക് എഫിഷ്യൻസി കൂട്ടാൻ ഇതു സഹായിക്കുന്നു.

വലുപ്പത്തിനൊപ്പം ബോഡിയിലുടനീളമുള്ള സ്പോർട്ടി ലൈനുകളുമാണ് എക്സ്റ്റീരിയർ ഡിസൈനിലെ ഹൈലൈറ്റ്. ക്രോം ഫിനിഷോടു കൂടിയ വലിയ ഗ്രില്ലും മസ്കുലർ ബോണറ്റും വലിയ എയർ ഡാമും മുൻകാഴ്ചയിൽ മസിൽ ലുക്ക് നൽ കുന്നു. പ്രൊജക്ടർ എൽഇഡി ഹെഡ്ലാംപാണ്. ഹെഡ്ലാംപ് വാഷറും നൽകിയിട്ടുണ്ട്. മുൻ പിൻ ബംപറുകൾ പരിഷ്കരിച്ചിട്ടുണ്ട്. 18 ഇഞ്ച് മൾട്ടി സ്പോക്ക് അലോയ് വീലാണ്. എല്ലാ വേരിയന്റിലും ഇത് സ്റ്റാൻഡേർഡാണ്.

ഇന്റീരിയർ