Who is More Smart?

110 സിസി സെഗ്മെന്റിലെ ഒന്നാംനിരക്കാരായ ആക്ടീവയും ജൂപ്പിറ്ററും കൊമ്പുകോർക്കുന്നു

- റോഷ്‌നി

റോഡിൽ പതിഞ്ഞ പേരാണ് ആക്ടീവ. സ്കൂട്ടർ എന്നുപോലും പറയില്ല. ടിവിഎസ് ഷോറൂമിൽ പോയി ആക്ടീവയുണ്ടോ എന്നു ചോദിക്കുന്നവരാണ് മിക്കവരും. സൃഷ്ടിച്ചവരേക്കാൾ വളർന്നുപോയ മോഡൽ. ഒപ്പം മത്സരിക്കുന്നത് ടിവിഎസ് ജൂപ്പിറ്ററിന്റെ ഏറ്റവും പുതിയ സ്മാർട് സ്കൂട്ടറായ ജൂപ്പിറ്റർ 110. വിപണിയിലെത്തി ചുരുങ്ങിയകാലംകൊണ്ട് സൂപ്പർ ഹിറ്റായ മോഡലാണ് ജൂപ്പിറ്റർ. 2013ൽ നിരത്തിലെത്തിയശേഷം ഇതുവരെ 6.73 ദശലക്ഷം യൂണിറ്റു കൾ വിറ്റുകഴിഞ്ഞു. കഴിഞ്ഞ വർഷം മാത്രം 8,44,863 യൂണിറ്റുകൾ വിറ്റു എന്നറിയുമ്പോൾ വിപണിയിലെ സ്വീകാര്യത മനസ്സിലാക്കാം.