കുതിച്ചു പായാൻ റിവർ

മലയാളികളുടെ സ്റ്റാർട് അപ് കമ്പനിയായ റിവർ ഇവിയുടെ കേരളത്തിലെ ആദ്യ സ്റ്റോർ കൊച്ചിയിൽ

- റോഷ്‌നി

പ്രേമലു സിനിമയിൽ സച്ചിനും റീനുവും ഹൈദരാബാദിലൂടെ പാറിപ്പറന്ന റിവർ ഇൻഡി ഇ സ്കൂട്ടറുകൾ ഇനി കൊച്ചിയിലും. ബെംഗളൂരു ആസ്ഥാനമായ പ്രവർത്തിക്കുന്ന ഇലക്ട്രിക് സ്കൂട്ടർ നിർമാതാക്കളായ റിവർ, കേരളത്തിലെ തങ്ങളുടെ ആദ്യ സ്റ്റോർ കൊച്ചിയിൽ ആരംഭിച്ചു. കമ്പനി നേരിട്ടു നടത്തുന്ന ഷോറൂമാണിത്.

തിരുവനന്തപുരം സ്വദേശിയായ അരവിന്ദ് മണിയും കോഴിക്കോട് സ്വദേശിയായ വിപിൻ ജോർജും ചേർന്ന് 2021ൽ ബെംഗളൂരുവിൽ ആരംഭിച്ച സ്റ്റാർട് അപ് ആണ് റിവർ. രണ്ടരവർഷത്തെ ആർ ആൻഡ് ഡിക്കു ശേഷം ഒരു വർഷം മുൻപാണ് ഇൻഡി സ്കൂട്ടർ വിപണിയിലെത്തിച്ചത്. ഇതുവരെ 3200 അധികം സ്കൂട്ടറുകൾ വിറ്റുകഴിഞ്ഞു. ഓരോ സ്റ്റോറിനൊപ്പവും സർവീസ് സെന്റും ഉള്ളതിനാൽ ഉപയോക്താക്കൾക്ക് മികച്ച വിൽപനാനന്തര സേവനം നൽകാൻ കഴിയും. യമഹ മോട്ടർ കോർപറേഷൻ, മിറ്റ് സുയി, ടൊയോട്ട വെഞ്ചേഴ്സ്, അൽ ഫയിം ഗ്രൂപ്പ് എന്നിവരാണ് പ്രധാന നിക്ഷേപകർ ഇതുവരെ 575 കോടി രൂപ സമാഹരിച്ചു. ആർ &ഡിയും ഫാക്ടറിയും ബെംഗളൂരുവിലാണ്.

ഡിസൈൻ