சந்திரனுக்கு சென்ற கரடி

ஹோஷியார்பூர் வனப்பகுதியில் டப்பு என்ற குறும்புக்கார கரடி இருந்தது.

- லதா அகர்வால்

அது எப்போதாவது நகரத்திற்குச் செல்லும். அந்த சமயத்தில் அங்குள்ள டீக்கடைகளில் தொலைக்காட்சியில் ஒளிபரப்பாகும் செய்திகளைக் கேட்பது கரடியின் வழக்கம். இதனால் டப்பு கரடி அறிவும் புத்திசாலியும் அதிகம் பெற்று அறிவாளியாக இருந்தது.

எனவே குழந்தைகள் அதை பார்த்து மகிழ்ச்சியடைந்து தங்கள் வைத்து இருக்கும் உணவை வழங்குவர். இப்படி குழந்தைகள் மத்தியில் அமர்ந்து அவர்களுக்கு புத்திசாலித்தனமான யோசனைகளை வாரி வழங்கி வந்தது.

ஒரு நாள்... டப்பு கரடி தனது நண்பர்களுடன் காட்டில் அமர்ந்திருந்த சமயத்தில் அவர்களில் ஒருவர், “டப்பு, உன்னை காண்பது அரிதாக இருக்கிறதே?” என்று கூறினார்.

“அப்படியா.. நான் புதிய விஷயங்களைக் கற்றுக் கொள்வதற்காக நகரத்திற்குச் செல்கிறேன். நான் கடினமாக உழைக்கிறேன். அதிகமாக புத்தகங்களைப் படிக்கிறேன். என் ஆர்வத்தைத் திருப்திப்படுத்த பல்வேறுஇடங்களுக்கு செல்கிறேன் என்று கூறியது.

இதன் காரணமாக கரடியை உண்மையிலேயே அறிவாளி என்று எல்லோரும் நினைத்தார்கள். அதைக் கேட்டுக் கொண்டு இருந்த ஸ்டெல்லா பாம்பு “நாங்கள் மிகவும் அதிர்ஷ்டசாலிகள்; நாங்கள் உலகின் மிகப்பெரிய காட்டில் வாழ்கிறோம்” என்று குறிப்பிட்டது.

உடனே டப்பு “நீ என்ன சொல்கிறாய், ஸ்டெல்லா?

அமேசான் மழைக் காடுகள்தான் உலகிலேயே மிகப்பெரியது!”

“டப்பு அது உனக்கு எப்படி தெரியும்?” என்று கோகோ முதலை சவால் விட்டது. அதற்கு பதில் கூறிய டப்பு, “உனக்குத் தெரியாதா? நான் இரவு முழுவதும் புத்தகங்களைப் படிப்பதிலேயே செலவிடுகிறேன்” என்று பதிலளித்தது.

“ஆஹா, அப்படியானால் நீ உண்மையிலேயே புத்திசாலிதான். எங்கள் குழந்தைகளுக்கும் நீ கற்றுக்கொடுக்க வேண்டும்!” என ஹவ்லி கழுதைப்புலி கேட்டுக் கொண்டது. இதைக் கேட்டதும் டப்புக்கு பெருமிதம் ஏற்பட்டது.