చేతులు ఎత్తాలని ఉంది

పిల్లలు స్కూలు అసెంబ్లీ నుంచి తిరిగి రాగానే క్లాస్ రూమ్ అంతా గోలగోలగా సందడిగా మారింది.

- నీలం జోషి

పిల్లలు స్కూలు అసెంబ్లీ నుంచి తిరిగి రాగానే క్లాస్ రూమ్ అంతా గోలగోలగా సందడిగా మారింది. ఆ సమయంలో అంజలి మేడమ్ తనతోపాటు చిన్నగా, నీలి కళ్లున్న ఒక అమ్మాయిని వెంట బెట్టుకుని క్లాసులోకి వచ్చింది. అందరిని కూర్చోమని ఆమె సూచన ఇచ్చింది. తర్వాత చిన్న అమ్మాయిని చూపిస్తూ “ఈమె మీ కొత్త క్లాస్ మేట్.

ఈమె పేరు అయేషా. మీరందరూ ఆమెతో స్నేహం చేస్తారని అనుకుంటున్నాను. అలాగే ఆమెకు తాను మిస్ అయిన అన్నింటిని తెలుసుకోవడానికి మీరు సహాయం చేస్తారని భావిస్తున్నాను" అని చెప్పింది.

“అలాగే మేడమ్” పిల్లలందరూ ఒకే గొంతుతో చెప్పారు.

టీచర్ నవ్వింది. అయేషా వెళ్లి తన సీట్లో కూర్చున్న తర్వాత ఆమె పాఠం చెప్పడం మొదలుపెట్టింది. ఎప్పటిలాగే క్లాసు అయిపోయిన

తర్వాత ఆమె పిల్లలను “అందరికీ అర్థమైందా?” అని అడిగింది.

క్లాసులో నిశ్శబ్దం ఆవరించింది. ఒక చేయి మెల్లగా పైకి లేచింది. అది అయేషాది.

“చెప్పు అయేషా, నువ్వేదైనా అడగాలను కుంటున్నావా?” ఆప్యాయంగా అడిగింది అంజలి మేడమ్.

“అవును మేడమ్, నేను దీనిలోని కొన్ని భాగాలు అర్థం చేసుకోగలిగాను. కానీ ఇతర భాగాలు కొంచెం అస్పష్టంగా ఉన్నాయి. దయచేసి మీరు మరొకసారి చెప్పగలిగితే...” అయేషా నిలబడి అడిగింది.

“వెరీ గుడ్ అయేషా, నీకు ఎప్పుడు అర్థం కాకపోయినా చెయ్యెత్తి అడుగు. నిన్ను చూస్తే నాకు సంతోషంగా ఉంది. దయచేసి కూర్చో" అని టీచర్ అయేషాకి ఆ భాగం మళ్లీ వివరించి చెప్పింది.

అయేషా ఇలా అన్ని క్లాసుల్లోనూ చేసింది.