కొత్త పరిచయం

అక్కా చెల్లెళ్లు రీతూ, సియాలు వాళ్ల కజిన్ జూహీలు తల్లిదండ్రులతో కలిసి తమ తాతయ్య ఫామ్హస్కి వచ్చారు. రీతూ, జూహీలకు పదేళ్లు. సియా ఒక సంవత్సరం చిన్నది.వారు వచ్చిన ప్రదేశం ఒక చిన్న హిల్ స్టేషన్.

- కథ సుధా విజయ్

అక్కా చెల్లెళ్లు రీతూ, సియాలు వాళ్ల కజిన్ జూహీలు తల్లిదండ్రులతో కలిసి తమ తాతయ్య ఫామ్హస్కి వచ్చారు. రీతూ, జూహీలకు పదేళ్లు. సియా ఒక సంవత్సరం చిన్నది.వారు వచ్చిన ప్రదేశం ఒక చిన్న హిల్ స్టేషన్.చుట్టూ అందమైన కొండల దృశ్యాలు. పచ్చని చెట్లు. వారి కుటుంబం పూర్వీకుల ప్రాంతం అది.

బ్రేక్ఫాస్ట్ చేస్తున్నప్పుడు వారి తాతయ్య, నానమ్మలు ఆ అమ్మాయిల తండ్రుల చిన్ననాటి జ్ఞాపకాలను నెమరు వేసుకున్నారు.

"వేసవికాలంలో మీరు, మీ స్నేహితులు సమీపంలోని కొండపై క్యాంప్ ఏర్పాటు చేయాలనుకున్న విషయం మీకు గుర్తుందా?” అడిగింది నానమ్మ.

“అది నాకు బాగా గుర్తుంది. నాన్న నన్ను వెళ్లడానికి నిరాకరించడంతో, నాకు చాలా కోపం వచ్చింది" చెప్పాడు రీతూ తండ్రి.

“ఒక అడవి ఎలుగుబంటి కనిపించినందున నేను మిమ్మల్ని అనుమతించలేదు. అక్కడ క్యాంపింగ్ చేయడం రిస్క్ తో కూడుకున్నది" జవాబు ఇచ్చాడు తాతయ్య.

“కానీ చివరికి మేం క్యాంపు ఏర్పాటు చేసాం” జూహీ తండ్రి చెప్పాడు.

“ఎక్కడ క్యాంప్ ఏర్పాటు చేసారు?” రీతూ అడిగింది.

“మీరు అడవి జంతువులను చూసారా?” జూహీ అడిగింది.

“మా తల్లిదండ్రులు మమ్మల్ని కొండపై క్యాంపింగ్ అనుమతించలేదు. అందుకే మేము

మా స్నేహితులతో కలిసి ఈ ఇంటి వెనుక క్యాంప్ ఏర్పాటుచేసాం. ఈ ప్రాంతాన్ని శుభ్రం చేసి మూడు టెంట్లు అద్దెకు తీసుకున్నాం.

బోగి మంటలు వేసాం. బార్బెక్యూ ఫుడ్ తయారుచేసాం. చాలా సరదాగా గడిపాం” జూహీ తండ్రి చెప్పాడు.

“అద్భుతంగా ఉంది. మేము కూడా క్యాంప్ చేయాలనుకుంటున్నాం” అంది రీతూ.

“మనం ఇక్కడ రెండు రోజులు మాత్రమే ఉంటాం. అయినా ఎందుకు కాదు. మన పెరట్లో సురక్షితంగా క్యాంప్ చేయవచ్చు” అంది సియా.

"కానీ మాకు ప్లాన్స్ ఉన్నాయి. మరోసారి చూద్దాం" జూహీ తల్లి సలహా ఇచ్చింది.

“దయచేసి మమ్మల్ని నానమ్మ తాతయ్యలతో కలిసి ఉండనివ్వండి" జూహీ తల్లిని వేడుకుంది.

“అమ్మాయిలను కాస్త సరదాగా గడపనివ్వ వాతావరణం బాగానే ఉంది. మేం వాళ్లపై ఒక కన్ను వేసి చూస్తూనే ఉంటాం” నానమ్మ చెప్పింది.