അമ്പിളി മാമന്റെ മടിത്തട്ടിലേക്ക് ഇന്ത്യ

ചന്ദ്രയാൻ 3 ഇതിനകം ചന്ദ്രന്റെ ഭ്രമണ പഥത്തിൽ പ്രവേശിച്ചിട്ടുണ്ട്. കൂട്ടുകാരുടെ കൈയിലേക്ക് ഈ ലക്കം യുറീക്ക എത്തുമ്പോഴേക്കും ചന്ദ്രയാൻ 3 ചന്ദ്രനിൽ ലാൻഡ് ചെയ്തിട്ടുണ്ടാകും.

- അനുരാഗ് എസ്.

2023 ജൂലൈ 14, 2.35 p.m. നമ്മുടെ രാജ്യത്തിന്റെ ബഹിരാകാശ പര്യവേഷണ രംഗത്തെ അഭിമാന നിമിഷമാണ്. അന്നാണ് ആന്ധ്രാപ്രദേശിലെ ശ്രീഹരിക്കോട്ടയിൽ നിന്ന് ചന്ദ്രപര്യവേഷണ പേടകമായ ചന്ദ്രയാൻ-3 ബഹിരാകാശത്തേക്ക് കുതിച്ചുയർന്നത്.

നമ്മുടെ ബഹിരാകാശ ഗവേഷണസ്ഥാപനമായ (Indian Space Research Organisation - ISRO) യുടെ മൂന്നാം ചന്ദ്രപര്യവേഷണമായ ചന്ദ്രയാൻ 3 ന്റെ വിശേഷങ്ങൾ നോക്കാം ശാസ്ത്രലോകത്തിന് സുപ്രധാന സംഭാവനകൾ നടത്തിയ ചന്ദ്രയാൻ 1ന്റെയും ഭാഗികമായി പരാജയപ്പെട്ട ചന്ദ്രയാൻ 2 ന്റെയും തുടർച്ചയാണ് ഈ ദൗത്യം. ജൂലായ് 14 ന് ഉച്ചകഴിഞ്ഞ് 2.35 ന് ആന്ധ്രാപ്രദേശിലെ ശ്രീഹരിക്കോട്ടയിൽ നിന്ന് വിക്ഷേപിച്ച പേടകം ഇന്ന് ചന്ദ്രനെ ലക്ഷ്യമാക്കിയുള്ള അതിന്റെ യാത്രയിലാണ് 3900 കിലോഗ്രാം (ഏകദേശം 4 ടൺ ഭാരമുള്ള ചാന്ദ്രയാനെ ഭ്രമണപഥത്തിലെത്തിച്ചത് ലോഞ്ച് വെഹിക്കിൾ മാർക്ക് 3 (LVM3) ആണ്. ഈ ദൗത്യത്തിന്റെ ഏകദേശ ചെലവ് 615 കോടി രൂപയാണ്.

ചന്ദ്രോപരിതലത്തിൽ സുരക്ഷിതമായി പേടകം ലാൻഡുചെയ്യുക, ചന്ദ്രോപരിതലത്തിലൂടെ റോവർ (റോബോ ട്ടികവാഹനം) ഉപയോഗിക്കുക, ശാസ്ത്രപരീക്ഷണങ്ങൾ നടത്തുക എന്നിവയാണ് ഈ ദൗത്യം കൊണ്ട് പ്രധാനമായും ലക്ഷ്യമിടുന്നത്.

ചന്ദ്രയാൻ 3 ന്റെ പ്രധാന ഭാഗങ്ങൾ