കഴുത്തും കണ്ണും

പുറകിൽ നിന്നും ആരെങ്കിലും വിളിച്ചാൽ നമ്മൾ തലതിരിച്ച് നോക്കും. ആരാണ്, എന്താണ് അവിടെ സംഭവിക്കുന്നതെന്നറിയാൻ.

- പി.കെ. സുധി

പുറകിൽ നിന്നും ആരെങ്കിലും വിളിച്ചാൽ നമ്മൾ തലതിരിച്ച് നോക്കും. ആരാണ്, എന്താണ് അവിടെ സംഭവിക്കുന്നതെന്നറിയാൻ. മത്സ്യങ്ങൾക്ക് തല തിരിക്കാൻ സാധിക്കില്ല.

അക്വേറിയത്തിൽ മീനുകളെ ശ്രദ്ധിക്കുക. അവ എന്താണ് ചെയ്യാറുള്ളത്. തവളകളുടെ കണ്ണുകൾ വശങ്ങളിൽ തള്ളിനിൽക്കുന്നതിനാൽ അവയ്ക്ക് പുറകിലുള്ള വസ്തുക്കളെ ഒരുവിധം കാണാൻ കഴിയും. പാമ്പുകളുൾപ്പെടെ ഉരഗങ്ങൾക്കും പുറകിലേയ്ക്ക് നോക്കാൻ കഴുത്തില്ലാത്തതിനാൽ പ്രയാസമാണ്.

കിളികളും മറ്റു കഴുത്തുള്ള ജീവികളും തല ചെരിച്ച് പുറകിലെ കാഴ്ചകൾ ശ്രദ്ധിക്കുന്നത് കണ്ടിട്ടില്ലേ? നമുക്ക് എത്രമാത്രം കഴുത്ത് തിരിച്ച് പുറകിലേയ്ക്ക് നോക്കാൻ സാധിക്കും? അതിനെക്കുറിച്ച് ആലോചിച്ചിട്ടുണ്ടോ? പശുവും ആടും തലതിരിക്കുന്നത് എത്ര ഡിഗ്രി കോണളവിലാണ്? ജീവികൾ കഴുത്തു തിരിക്കുന്നതു നിരീക്ഷിക്കാൻ പോയാൽ അതിന് അറ്റവും അന്തവുമില്ലെന്നു കാണാൻ കഴിയും.