టీడీపీ కూటమి సునామీ.. 135 సీట్లతో టీడీపీ విజయభేరి

11 స్థానాలకే పరిమితమైన వైసీపీ 21 స్థానాల్లో జనసేన..ఎనిమిదింట బీజేపీ విజయం ప్రతిపక్ష హోదాకు వైసీపీ దూరం టీడీపీ కూటమికి 21 ఎంపీ సీట్లు, వైసీపీకి 4

ఏపీ ఎన్నికల ఫలితాల్లో టీడీపీ కూటమి సునామీ సృష్టించింది. వైసీపీ ప్రభుత్వ ఐదేళ్ల పాలనపై ప్రజలు తిరుగులేని తీర్పునిచ్చారు. గతంలో ఎన్నడూలేని విధంగా జిల్లాలకు జిల్లాలు తుడిచిపెట్టుకుపోయాయి. ఎనిమిది జిల్లాల్లో వైసీపీ కనీసం బోణీ కొట్టలేదు. జగన్ నియంతృత్వ పాలనకు రాష్ట్ర ప్రజలు చరమగీతం పాడుతూ.. తెలుగుదేశం పార్టీ నేతృత్వంలోని కూటమికి ప్రజలు ఘన విజయం అందించారు. కౌంటింగ్ ప్రారంభం నుంచి ఏ దశలోనూ వైసీపీ కనీస స్థాయిలో కూటమికి పోటీ ఇవ్వలేకపోయింది. 'వార్ వన్ సైడ్' అన్నట్లుగా రాష్ట్రంలో దాదాపు అన్ని స్థానాల్లోనూ కూటమి దుమ్మురేపింది. కూటమి అభ్యర్థుల మెజారిటీ 20 వేల నుంచి 80 వేల ఓట్ల వరకు ఉందంటే ప్రజలు ఎలా తీర్పు ఇచ్చారో అర్థం చేసుకోవచ్చు. పోస్టల్ బ్యాలెట్ల దగ్గర నుంచి అన్ని రౌండ్లలోనూ వైసీపీ చతికిలపడిరది. ప్రజాతీర్పు స్పష్టం కావడంతో ఆరేడు రౌండ్లు తర్వాత వైసీపీ అభ్యర్థులు కౌంటింగ్ కేంద్రాల నుంచి ఇంటిముఖం పట్టారు.