విక్రమార్కుడు-బేతాళుడు కథలు

యజ్ఞభంగం

విసుగు చెందన విక్రమార్కుడు చెట్టు వద్దకు వెళ్ళి, చెట్టు నుంచి శవాన్ని దించి భుజాన వేసుకొని, ఎప్పటిలాగే శ్మశానం కేసి మౌనంగా నడవసాగాడు. అప్పుడు శవంలోని భేతాళుడు, " రాజా, నీవు తలపెట్టిన పని నిర్విఘ్నంగా కొనసాగనందుకు విచారించకు. పూర్వకాలపు మహర్షులు చేయించిన మహత్కార్యాలకే విఘ్నాలు కలిగాయి. అందుకు తార్కాణంగా నీకు శ్వేతకేతుడు చేయించిన యజ్ఞం గురించి చెబుతాను, విను" అంటూ ఈ విధంగా చెప్పసాగాడు. అయోధ్యా నగరాన్ని పరిపాలించిన సూర్యవంశపు రాజులలో శ్వేతకేతు డుండేవాడు. ఆయనకు ఒక కుమార్తె మాత్రమే కలిగింది. యజ్ఞం చేసి దేవతలను తృప్తి పరిచి, ఆ విధంగా పుత్రసంతాన ప్రాప్తి కలిగేటట్టు యత్నించమని ఆయన కుల గురువైన వశిష్టుడు ఆయనకు సలహా ఇచ్చాడు. అందుకు శ్వేతకేతుడు సమ్మతించాడు. యజ్ఞశాల నిర్మించి, యజ్ఞానికి అవసరమైన సంబరాలన్నీ సిద్దపరిచి, రాజు యజ్ఞ దీక్షలో కూర్చున్నాడు. యజ్ఞం జరిగేటంత కాలమూ యజ్ఞశాలలో ఎలాంటి అశౌచమూ ప్రవేశించరాదు. అలా ప్రవేశించినట్టయ యజ్ఞభంగం అవుతుంది. అందుచేత యజ్ఞం ప్రారంభమైనది మొదలు

పూర్తి అయ్యేదాకా యజ్ఞశాలలో ఉండే ఋత్విక్కులూ, ఆధ్వర్యులూ, ఉ దాతృలూ, హెూతలూ, పురోహితులూ బయటికి వెళ్ళకుండానూ, పైవారెవయజ్ఞశాలలోకి రాకుండానూ గట్టి ఏర్పాట్లు చేశాడు. యజ్ఞశాల యొక్క ద్వారం వద్ద అహోరాత్రులు కాపాలావాళ్ళను పెట్టారు. తరువాత, యజ్ఞం నిర్విఘ్నంగా కొనసాగించ వలసిందిగా సకల దేవతలకూ ప్రార్థనలు జరిపి, యజ్ఞం ఆరంభించారు.