ഫയർമാൻ/ഫയർമാൻ ഡ്രൈവർ തുടങ്ങാം, തയാറെടുപ്പ്

കഴിഞ്ഞയാഴ്ച വിജ്ഞാപനം വന്ന ഫയർ ആൻഡ് റെസ്ക്യു ഓഫിസർ (ഫയർമാൻ), ഫയർ ആൻഡ് റെസ്ക്യു ഓഫിസർ (ഡ്രൈവർ) തസ്തികകളിലെ പരിശീലനം തുടങ്ങുന്നു. തയാറെടുപ്പ് ആരംഭിക്കാൻ സഹായകമായി. പൊതുസംശയങ്ങൾക്ക് പ്രശസ്ത പരിശീലകൻ എം.എസ്.അഖിൽറാം മറുപടി നൽകുന്നു.

ഫയർമാൻ പരീക്ഷയ്ക്ക് രണ്ടു ഘട്ടം ഉണ്ടാകുമോ?

ഒടുവിൽ നടന്ന പൊലീസ് കോൺസ്റ്റബിൾ പരീക്ഷ ഒരു ഘട്ടമായിരുന്നു. പ്രിലിംസ്, മെയിൻസ് എന്നിങ്ങനെ രണ്ടു ഘട്ടങ്ങൾ ഉണ്ടായിരുന്നില്ല. ഫയർമാൻ പരീക്ഷ സംസ്ഥാനതല പരീക്ഷയാണ്. ഇതിലും ഒറ്റ ഘട്ടം മാത്രം കാണാനാണു സാധ്യത.

പിഎസ്സിയുടെ പുതിയ പരീക്ഷാരീതിയെ മികവോടെ നേരിടാൻ എന്തൊക്കെ കാര്യങ്ങൾ ശ്രദ്ധിക്കണം?

1) സിലബസ് കൃത്യമായി പഠിക്കുന്നതോടൊപ്പം പഠിച്ച കാര്യങ്ങൾ ആവർത്തിച്ചു പഠിക്കുന്നതിലൂടെയും പരീക്ഷയ്ക്കു മുൻപു ധാരാളം പരിശീലന ചോദ്യങ്ങൾ പരിശീലിക്കുന്നതിലൂടെയും പരീക്ഷാഹാളിൽ ഉണ്ടാകാവുന്ന തെറ്റുകൾ പരിഹരിക്കാനാകും. പിഎസിയുടെ പുതിയ രീതിയിലുള്ളതും മുൻകാലങ്ങളിൽ നടന്നതുമായ പ്രിലിംസ്, മെയിൻസ് പരീക്ഷകളുടെ ചോദ്യങ്ങൾ ശേഖരിച്ച് അവയും അനുബന്ധ വസ്തുതകളും പഠിക്കുക. മുൻപത്തെയത്ര  ഇല്ലെങ്കിലും, മുൻകാല ചോദ്യങ്ങൾ എല്ലാ പരീക്ഷകളിലും പ്രാധാന്യമർഹിക്കുന്നവയാണ്.

ഫയർമാൻ ജോലിയുടെ പൊതുസ്വഭാവം പരി ക്ഷയിൽ എങ്ങനെയാകും പ്രതിഫലിക്കുക?

പൊതുസമൂഹവുമായി വളരെയധികം ബന്ധമുള്ള ജോലിയാണ് അഗ്നിരക്ഷാസേന നിർവഹിക്കു ന്നത്. വളരെയധികം കായികക്ഷമത വേണ്ട ജോലി കൂടിയാണിത്. പ്രകൃതിദുരന്തങ്ങളും പ്രകൃതിക്ഷോഭങ്ങളുമെല്ലാം നേരിടാൻ മുന്നിട്ടിറങ്ങേണ്ടിവരും. ജനങ്ങളുടെ ജീവനും സ്വത്തും സംരക്ഷിക്കാൻ ഉത്തരവാദിത്തത്തോടെയും സമർപ്പണബുദ്ധിയോടെയും പ്രവർത്തിക്കാൻ തയാറാകുന്നവർക്കേ ഈ ജോലിയിൽ നിലനിൽക്കാൻ സാധിക്കൂ. അത്തരം മേഖലകളെ അളക്കുന്ന ചോദ്യങ്ങളും പരീക്ഷയിൽ പ്രതീക്ഷിക്കാം.

ഫയർമാൻ പരീക്ഷയിലെ സ്പെഷൽ ടോപിക് ചോദ്യങ്ങളുടെ മാർക്ക് ഘടന എങ്ങനെയായിരിക്കും?

സ്പെഷൽ ടോപിക്കിന് ആകെ 20 മാർക്കാണ്. ഫയർ ആൻഡ് റെ-9 മാർക്ക്, ഫ് എയ്ഡ്-9 മാർക്ക്, ഇൻഫർമേഷൻ ടെക്നോളജി-2 മാർക്ക് എന്നിങ്ങനെയാണിത്.