മുഖം നഷ്ടപ്പെട്ട് മാനഭംഗക്കാർ മുഖം മറയ്ക്കാതെ ജിസേൽ

വിദേശവിശേഷം അറിവുകൾ വിദേശത്തുനിന്ന്

- അജീഷ് മുരളീധരൻ

ഭർത്താവും മറ്റ് അൻപതോളം പേരും ചേർന്ന് പത്തു വർഷത്തോളം ബലാത്സംഗം ചെയ്ത ജിസേൽ ഇന്ന് രാജ്യാന്തര വനിതാ അവകാശപ്പോരാട്ടങ്ങളുടെ മുഖം "ജിസേൽ, ഞങ്ങൾ സ്ത്രീകൾ നിങ്ങളോടു നന്ദി പറയുന്നു' അത്യപൂർവമായൊരു ബലാത്സംഗക്കേസിന്റെ വിചാരണ നടക്കുന്ന ഫ്രാൻസിലെ കോടതിമുറിക്കു പുറത്ത് ഒട്ടിച്ച പോസ്റ്ററിലെ വാചകമാണിത്. ലഹരിമരുന്നു നൽകി മയക്കി ഭർത്താവും അയാൾ ക്ഷണിച്ചു വരുത്തിയ എൺപതോളം പേരും പത്തു വർഷത്തോളം ബലാത്സംഗം ചെയ്ത എഴുപത്തിരണ്ടുകാരി ജിസൈൽ തലയുയർത്തിപ്പിടിച്ച്, ക്യാമറകൾ നോക്കി ചിരിച്ച്, കൈവീശി കോടതിയിലേക്കു വരുമ്പോൾ കേസിൽ ഇതുവരെ അറസ്റ്റിലായ 50 പ്രതികളെത്തിയത് മാസ്ക് ധരിച്ചും തൊപ്പികൊണ്ടു മുഖം മറച്ചുമായിരുന്നു.