അയാൾ ഒരു പിതാവാണ്..മറക്കരുത്

ദുരന്തങ്ങൾ വിറ്റ് കാശാക്കാൻ മത്സരിച്ചവർ ഓർക്കേണ്ടിയിരുന്ന ഒരു കാര്യമുണ്ട്. അയാൾ ഒരു പിതാവാണ്. അത് നിങ്ങൾ മറക്കാൻ പാടില്ലായിരുന്നു. ആ പിതാവിന്റെ സ്ഥാനത്ത് നാളെ നിങ്ങളാണ് നിൽക്കുന്നതെങ്കിൽ എന്താകും നിങ്ങളുടെ മനോഭാവം?

- അനീഷ് മോഹനചന്ദ്രൻ

വിവര സാങ്കേതികവിദ്യയുടെ വളർച്ച ഒരു അനുഗ്രഹമാണ്. ലോകത്തിന്റെ ഏത് കോണിൽ നടക്കുന്ന വിവരങ്ങളും ഞൊടിയിടയിൽ നമ്മുടെ വിരൽത്തുമ്പിലെത്തും എന്നതാണ് ഇതിന്റെ ഏറ്റവും വലിയ മേന്മ. നഷ്ടമാകുന്ന സൗഹൃദവും പ്രണയവും ആശയസംവേദനവുമെല്ലാം ഇതിലൂടെ നില നിർത്താനാകും എന്നതും എടുത്ത് പറയേണ്ടതാണ്. വിശിഷ്യാ സാമൂഹ്യമാധ്യമങ്ങളിലൂടെ തീർച്ചയായും അതൊരു നല്ല കാര്യം തന്നെയാണ്. ഇന്ന് നാം കാണുന്നതും അനുഭവിക്കുന്നതുമായ പലതിന്റേയും ഹേതുവും ഈ രംഗത്തെ വളർച്ചതന്നെയാണ്. എന്നാൽ ഏതൊരു നേട്ടത്തിനും ഒരു കോട്ടമുണ്ടാകും എന്നുപറയുമല്ലോ. അതുതന്നെയാണ് സമൂഹമാധ്യമങ്ങളുടെ അതിപ്രസരത്തിലൂടെയും വന്നുഭവിച്ചിരിക്കുന്നത്.